ކާކުކަން ފުލުހަށް ދެނެނުގަނެވުނު މީހެއްގެ މައުލޫމާތު ހޯދަން އިއުލާންކޮށްފި

މަކަރާއި ހީލަތުގެ މައްސަލައެއްގައި މީހެއްގެ ވަނަވަރު ދެނެގަތުމަށް އާންމުންގެ އެހީއަށް ފުލުހުން އެދިއްޖެ އެވެ.
މީހެއްގެ ފޮޓޯ އާންމުކޮށް ފުލުހުން މިއަދު ކުރި އިއުލާނެއްގައި ބުނީ، އެމީހާއަކީ ފުލުހުންނަށް ހުށަހެޅި ތަހުގީގު ކުރަމުންދާ މަކަރާއި ހީލަތް ހެދުމުގެ މައްސަލައަކާ ގުޅިގެން ހޯދަން ބޭނުންވެ، ކާކުކަން ދެނެގަނެވިފައިނުވާތީ ނުހޯދިފައިވާ މީހެއް ކަމަށެވެ.
އޭނާއާ ބެހޭ އެއްވެސް މައުލޫމާތެއް އެނގޭނަމަ ހުޅުމާލޭ ޕޮލިސް ސްޓޭޝަނުގެ އިންވެސްޓިގޭޝަން ނަންބަރު 9980062 ނަންބަރު ފޯނަށް ގުޅައި އެކަން ހިއްސާކުރުމަށް ފުލުހުން އެދެއެވެ.
ފުލުހުން ބުނީ މިފަދަ ކަންކަމުގައި އާންމުންގެ ފަރާތުން ލިބޭ އެހީ ފާހަގަކޮށް ޝުކުރު އަދާކުރާކަމަށެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.