Monday, 16 November 2026
Advertisement
Ooredoo — Airfibre (leaderboard)
ޚަބަރު

މުސްތޮގެ ދާއިރާ އޮފީހަށް ވަޒީފާ އަދާކުރަން ހުޅުވާލައިފި

މުސްތޮގެ ދާއިރާ އޮފީހަށް ވަޒީފާ އަދާކުރަން ހުޅުވާލައިފި

އާދިއްތަ ދުވަހު ބޭއްވި ރައްޔިތުންގެ މަޖިލީހުގެ އިންތިހާބުގައި މާފަންނު ހުޅަނގު ދާއިރާއަށް އިންތިހާބުވި މުސްތަފާ އިބްރާހިމް (އިމްނާ މުސްތޮ) ދާއިރާގައި އޮފީހެއް ހުޅުވައި، ވަޒީފާ އަދާކުރަން ބޭނުންވާ ދާއިރާގެ ރައްޔިތުންނަށް އެ ފުރުސަތު މިރޭ ހުޅުވާލައިފިއެވެ.

ތިން ކެންޑިޑޭޓުންނާ ވާދަކޮށް ބޮޑު ތަފާތަކުން އިންތިހާބުވި މުސްތޮ އަށް ލިބުނު ކާމިޔާބީ ފާހަގަކުރަން މިރޭ ބައްދަލުވުމެއް ވަނީ ބާއްވާފައެވެ. މުސްތޮ ވިދާޅުވީ ކެމްޕޭނުގައި, ދާއިރާގެ ރައްޔިތުން އެންމެ ގިނައިން ސުވާލުކުރީ ހުވާކުރުމަށް ފަހު ބައްދަލުވާނެ ކަމާއި މެދުގައި ކަމަށެެވެ.

''މުސްތޮފާއޭ ތިމަންނަމެން ހޮވައިދިނީމަ، ދެން ތިމަންނަމެން ފެންނާނެހޭ، ތިމަންނަމެންނާ ބައްދަލުވާނެ ހެއްޔޭ ތިމަންނަމެންނާ ދިމާވާނެ ހެއްޔޭ، މި ސުވާލުނުކުރާ އެކަކާއިވެސް ދިމާނުވޭ، މިކަން އަޅުގަނޑު ފުރިހަމަ ކޮށްދޭނަން''

Advertisement
Allied — Dhen Online (box)

މާފަންނު ހުޅަނގު ދާއިރާގެ މިހާރުގެ މެންބަރު މުހައްމަދު ފަލާހުއާ ވާދަކޮށް 47.5 އިންސައްތައިން އިންތިހާބު ކާމިޔާބުކުރި މުސްތޮ އަށް، ދާއިރާގެ ރައްޔިތުންނަށް ސުވާލުކުރެވޭ ގޮތަށް 'އަސްކޮ.މުސްތޮ24.ކޮމް'' ނަމުގައި ޕޯޓަލްއެއް ވަނީ ހަދާފައެވެ. މުސްތޮއާ ގުޅޭނެ ހޮޓްލައިނެއްވެސް ގާއިމްކޮށް އެކަންވެސް އިއުލާންކޮށްފައިވެއެވެ. އެ ނަންބަރަކީ 9800888 އެވެ.

އެއަށް ފަހު މުސްތޮ ވިދާޅުވީ މެންބަރުކަމުގެ ހުވާ ކުރުމަށް ފަހު ދާއިރާގެ ރައްޔިތުންނަށް ވެފައިވާ ވައުދުތަކުގެ މައުލޫމާތާއި، ރައްޔިތުންނަށް ބޭނުންވާ ކަންކަން އޮޅުން ފިލުވުމަށް އޮފީހެއް ގާއިމްކުރާނެ ކަމަށެވެ. އަދި މުސާރަ ހިނގާ ގޮތަށް ވަޒީފާގެ ފުރުސަތުވެސް އޮފީހުގައި އޮންނާނެ ކަމަށެވެ.

''އޮފީހެއް ގާއިމް ކުރެވޭނެ މުވައްޒަފުން ލައިދޭނަން، މުވައްޒަފުންނަށް ވާން ބޭނުންވާ ކަމަށްވާނަމް މިރޭ މި ހުޅުވާލަނީ'' މަޖިލީހުގައި ރައްޔިތުން ބޭނުންވާ ފަދަ އަހުލާގު ރަނގަޅު މެންބަރެއްގެ ގޮތުގައި ހުންނާނެކަމުގެ ޔަގީންކަން މުސްތޮ ވަނީ ދީފައެވެ.

މަޖިލީހަށް އަލަށް އިންތިހާބުވެވަޑައިގެންނެވި މެންބަރުން ހުވާކުރުން އޮންނާނީ އަންނަ މަހުގެ 28 ވަނަ ދުވަހުއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.