އެމްއެންޑީއެފުން ލަންކާގެ އަސްކަރިއްޔާއާ ގުޅިގެން ހިންގި ކޯސް ނިންމާލައިފި
ސްރީލަންކާގެ އަސްކަރިއްޔާއާ ގުޅިގެން އެމްއެންޑީއެފުން ހިންގި "ބޭސިކް އެކްސްޕްލޯސިވް އޯޑްނަންސް ޑިސްޕޯސަލް ކޯސް–3" (ލެވެލް 2) ގެ ދަސްވެނިވުމުގެ ރަސްމިއްޔާތު ބާއްވައިފި އެވެ.
އެމްއެންޑިއެފްއިން ބުނެފައި ވަނީ މިކަމަަށް ޓަކައި މިއަދު އެމްއެންޑީއެފް ސަދަން އޭރިއާ ކޮމާންޑް، ހެޑްކުއޯޓަރޒްގައި ބޭއްވި ރަސްމިއްޔާތު ޝަރަފުވެރި ކޮށްދެއްވައި، ކޯހުން ދަސްވެނިވުނު ސިފައިންނަށް "އީއޯޑީ ބެޖު" ހަވާލުކޮށްދެއްވީ އެމްއެންޑީއެފް ސަދަން އޭރިއާ ކޮމާންޑުގެ ކޮމާންޑަރ، ކާނަލް މުޙައްމަދު ޖަމްޝާދު އެވެ. އަދި މި ކޯހުގެ ކޯހުގެ ވަނަތައް ހާސިލުކުރި ސިފައިންނަށް ހަނދާނީ ލިޔުން ހަވާލުކޮށްދެއްވާފައިވެސް ވަނީ ޝަރަފުވެރި މެހުމާނެވެ.
މި ކޯސް ފުރިހަމަކުރި ސިފައިންނަށް ހަނދާނީ ލިޔުން ހަވާލުކޮށްދެއްވީ ކޯހުގެ އިންސްޓްރަކްޓަރުންގެ ގޮތުގައި މަސައްކަތް ކޮށްދެއްވި ސްރީލަންކާ އާރމީ އިންޖިނިއަރސްގެ އިންސްޓަކްޓަރުންނާއި، ކޯހުގެ ކޯސް އޮފިސަރ، ލެފްޓިނެންޓް ޚާތިމް އަޙްމަދުކަމަށް އެމްއެންޑީއެފެއިން ވަނީ ބުނެފަ އެވެ.
2024 މާރިޗު 24 އިން މޭ 11 އަށް، އެމްއެންޑީއެފް ސަދަން އޭރިއާ ކޮމާންޑްގައި ކުރިއަށް ގެންދިޔަ މި ކޯހުން 27 ސިފައިން ދަސްވެނިވެފައި ވާއިރު، މި ކޯހުން އެއްވަނަ ހާސިލުކޮށްފައިވަނީ، ލާންސް ކޯޕްރަލް މުޙައްމަދު ސާވިން އެވެ. އަދި، ޕްރައިވެޓް ފާތިމަތު ޝަހުދާ އަބޫބަކުރު ކޯހުން ދެވަނަ ހާސިލުކުކޮށްފައި ވާއިރު، ކޯހުން ތިންވަނަ ހާސިލުކޮށްފައިވަނީ ސްޓާފް ސާޖަންޓް މުޙައްމަދު ރަފީޤް އެވެ.
އީއޯޑީ ލެވެލް 2 ކޯހަކީ ކޮންވެންޝަނަލް މިއުނިޝަން ޑިސްޕޯސަލްއާއި އެކްސްޕްލޯސިވް އޯޑްނަންސް ޑިސްޕޯސަލްއާއި އެކިކަހަލަ ނުރައްކާތެރި ހަޒާޑަސް އެއްްޗެހި ރަައްކާތެރިގޮތުގައި ނައްތާލުމާއި، އެކިކަަހަލަ ނުރައްކާތެރި ތަކެތި ދެނެގަނެ ރައްކާތެރި ތަނެއްގެ ގޮތުގައި ދެމެހެއްޓުމުގެ ޢިލްމާއި ހިލްމު އުނގަންނައިދިނުމަށް ފަރުމާކުރެވިފައިވާ ކޯހެކެވެ.
މި ކޯހުގައި ކިޔަވައިދެވިފައިވާ ދާއިރާތަކުގެ ތެރޭގައި އެކްސްޕްލޯސިވްސް، ޑިމޮލިޝަން، ބޫބީ ޓްރެޕްސް، އާމްސް އެންޑް އެމިއުނިޝަން، އިމްޕްރޮވައިޒްޑް އެކްސްޕްލޯސިވް ޑިވައިސް ޑިސްޕޯސަލް، އެކްސްޕްލޯސިވް އޯޑްނަންސް ޑިސްޕޯސަލް، ސަރޗް ޓެކްނިކްސް އަދި މައިން ވޯފެއަރ ހިމެނޭކަމަށްވެސް އެމްއެންޑީއެފްއިން ވަނީ ބުނެފަ އެވެ.
