Saturday, 14 November 2026
Advertisement
HDC — Share-Below (leaderboard)
އިޖުތިމާޢީ

މިއަހަރު ރަހީނު ކުރުމުގެ 27 މައްސަލަ، ވައްކަމުގެ 2952 މައްސަލަ

މިއަހަރު ރަހީނު ކުރުމުގެ 27 މައްސަލަ، ވައްކަމުގެ 2952 މައްސަލަ

މިއަހަރުގެ މިހާތަނަށް ރަހީނު ކުރުމުގެ 27 މައްސަލައަކާއި ވައްކަމުގެ 2952 މައްސަލައެއް ހުށަހަޅާފައިވާކަމަށް ދިވެހި ފުލުހުންގެ ހިދުމަތުން ބުނެފި އެވެ.

ފުލުހުން އާންމުކުރި ތަފާސް ހިސާބުތައް ދައްކާ ގޮތުން މިއަހަރުގެ މިހާތަނަށް އެންމެ ގިނައިން ރިޕޯޓުކޮށްފައިވަނީ ވައްކަމުގެ މައްސަލަތަކެވެ. އެގޮތުން ޖެނުއަރީ މަހު 668 މައްސަލަ، ފެބުރުއަރީ މަހު 607 މައްސަލަ، މާޗު މަހު 701 މައްސަލަ، އޭޕްރީލް މަހު 620 މައްސަލައިގެ އިތުރުން މެއި މަހުގެ 16 ވަނަ ދުވަހާއި ހަމައަށް 356 މައްސަލަ ވައްކަން ކޮށްގެން ހުށަހަޅާފައި ވެއެވެ. މިއާއެކު މިއަހަރުގެ މިހާތަނަށް ވައްކަމުގެ 2952 މައްސަލަ ހުށަހަޅާފައިވާކަމަށް ފުލުހުން ބުންޏެވެ.

ރަހީނު ކުރުމުގެ 27 މައްސަލައެއް ހުށަހަޅާފައިވާއިރު ޖެނުއަރީ މަހު ތިން މައްސަލަ، ފެބުރުއަރީ މަހު ހަ މައްސަލަ، މާޗު މަހު 10 މައްސަލަ، އޭޕްރީލް މަހު ހަތް މައްސަލައިގެ އިތުރުން މެއި މަހުގެ 16 ވަނަ ދުވަހާއި ހަމައަށް ރަހީނު ކުރުމުގެ އެއް މައްސަލަ ވަނީ ހުށަހަޅައިފަ އެވެ.

Advertisement
HDC — Sidebar (box)

މިދިޔަ ފަސް މަހު ފޭރުމުގެ 328 މައްސަލަ ޕޮލިހަށް ރިޕޯޓު ކޮށްފައިވާއިރު، މިދިޔަ ހަފްތާ ވަނީ ދުވަސްވީ ފިރިހެނުން ހައްލާލައިގެން ހިޔާ ފްލެޓަށް ގެންގޮސް ފޭރެމުންދާ މައްސަލައެއް ވެސް ފެންމަތިވެފަ އެވެ. އަދި ނޭޕާލް ފިރިހެނަކު ރަހީނުކޮށްގެން ހަތް ދުވަސްވަންދެން ގެސްޓްހައުސްއެއްގައި ގެންގުޅެނިކޮށް ފުލުހުން ވަނީ އެ މީހާ ސަލާމަތް ކޮށްފަ އެވެ.

ރާއްޖޭގައި ރަހީނު ކުރުމުގެ މައްސަލަތައްވެސް މިވަނީ އިތުރުވާން ފަށައިފަ އެވެ. ފުލުހުން ވަނީ ގޮތް ނޭނގޭ މީހުން އެދިގެން ތަންތަނަށް ނުދިއުމަށާއި ކާކުކަން ނޭނގޭ މީހުންނާއި ވަކިން ބައްދަލު ނުކުރުމަށް އިލްތިމާސްވެސް ކޮށްފަ އެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.