Tuesday, 17 November 2026
Advertisement
HDC — Share-Below (leaderboard)
ދީން

ދިވެހި ހުރިހާ ޙައްޖާޖީން މިނާގައި, ހުރިހާ އެންމެންގެ ހާލު ރަނގަޅު

ދިވެހި ހުރިހާ ޙައްޖާޖީން މިނާގައި, ހުރިހާ އެންމެންގެ ހާލު ރަނގަޅު

ދިވެހި ހުރިހާ ހައްޖުވެރިން މިނާއަށް ވާސިލުވެފައިވާ ކަމަށާއި، ހުރިހާ ހައްޖުވެރިންގެ ހާލުވެސް ރަނގަޅުކަމަށް ދިވެހިރާއްޖޭގެ ހައްޖު މިޝަނުން ބުނެފި އެވެ.

މިފަހަރު ހައްޖުގެ އަޅުކަމަށް ރާއްޖެއިން ގޮސްފައިވަނީ 1،115 މީހުންނެވެ. ސައުދީން ރަސްމީކޮށް ރާއްޖެއަށް މި ފަހަރު ހަމަޖައްސައިދިން 1،000 ކޯޓާގެ އިތުރަށް ފަހުން 115 ކޯޓާ ދީފައިވެ އެވެ.

މިފަހަރު ރާއްޖެއިން ހައްޖަށް ދިޔަ އެންމެންވެސް ދިޔައީ ހައްޖު ކޯޕަރޭޝަނުގެ ހަވާލުގަ އެވެ. ސައުދީން ރާއްޖެއަށް ހަމަޖެއްސި ހުރިހާ ކޯޓާއެއް މިފަހަރު ދިނީ ހައްޖު ކޯޕަރޭޝަނަށެވެ. ހައްޖުވެރިންގެ ތެރެއިން 50 މީހުންނަކީ ސަރުކާރުގެ ހަރަދުގައި ހައްޖަށް ދިޔަ ނިކަމެތިންނެވެ.

Advertisement
Allied Insurance — Square (box)

ދިވެހި ހުރިހާ ހައްޖުވެރިން މީގެ ހަތަރު ގަޑިއިރެއްހާއިރު ކުރިން މައްކާއިން މިނާއަށް ދަތުރު ފަށާފައިވާއިރު، ހައްޖުވެރިން ދަތުރުކުރީ 24 ބަހުގަ އެވެ. އެ ހުރިހާ ބެހެއް މިހާރުވަނީ މިނާއަށް ގޮސްފަ އެވެ. އަދި މިހާރު ހުރިހާ ހައްޖުވެރިން ތިބީ މިނާގެ ޓެންޓުތަކުގަ އެވެ.

މިރޭ ހައްޖުވެރިން ތިބޭނީ މިނާގަ އެވެ. އަދި މާދަމާ ހައްޖުގެ އެންމެ މުހިއްމު ރުކުންކަމަށްވާ އަރަފާތުގައި ތިބުން ފުރިހަމަކުރުމަށް ހުރިހާ ހައްޖުވެރިންވެސް ފަތިހުން ފެށިގެން އަރަފާތަށް ދާން ފަށާނެ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.