ޔޫރަޕުން ޗައިނާގެ އީވީއަށް ޓެރިފް ނަގަނީ
ޔޫރަޕިއަން ކޮމިޝަނުން ބުދަ ދުވަހު ބުނީ މި މަހުގެ ހަތަރު ވަނަ ދުވަހުން ފެށިގެން ޗައިނާއިން އެތެރެކުރާ ބެޓެރީ އިލެކްޓްރިކް ވެހިކަލް (އީވީ) އިން ވަގުތީ ޓެރިފް ނަގަން ނިންމާފައިވާ ކަމަށެވެ.
ޔޫރަޕްގެ ފަރާތުން ހަގީގަތްތަކާއި ޑަބްލިއުޓީއޯގެ ގަވާއިދުތަކަށް އިހުމާލުވެ، އީޔޫގެ މެމްބަރު ގިނަ ގައުމުތަކުގެ ސަރުކާރުތަކާއި ސިނާއަތްތަކުގެ އިލްތިމާސްތަކާއި ހިތްވަރުތަކަށް އިހުމާލުވެ، ވިޔަފާރީގެ ރައްކާތެރިކަމުގެ ފިޔަވަޅުތައް ދަމަހައްޓަމުން ދެއެވެ. މިފަދަ ފިޔަވަޅެއްގެ ސަބަބުން ޗައިނާގެ އީވީ ސިނާއަތުގެ ސައްހަ ހައްގުތަކާއި މަސްލަހަތުތަކަށް އަރައިގަތުމުގެ އިތުރުން އީޔޫގެ ތެރޭގައި ހިމެނޭ ގޮތަށް ދުނިޔޭގެ އޮޓޯމޯޓިވް ސަޕްލައި ޗެއިންއަށް ވެސް ބޮޑެތި ގެއްލުންތަކެއް ލިބެ އެވެ.
ޔޫރަޕިއަން ކޮމިޝަނުން ބުދަ ދުވަހު ވަނީ ޗައިނާއިން އެތެރެކުރާ ބެޓެރީ އިލެކްޓްރިކް އުޅަނދުތަކުން ނަގާ ވަގުތީ ޑިއުޓީގެ މިންވަރު 17.4 އިންސައްތައާއި 38.1 އިންސައްތައާއި ދެމެދުގެ މިންވަރެއް ހާމަކޮށްފައެވެ.
ޔޫރަޕްގެ ގިނަ ސިޔާސީ އަދި ވިޔަފާރިވެރިން ވަނީ ކޮމިޝަނުގެ ޕްލޭނާ ދެކޮޅަށް ވަރަށް ބޮޑަށް ދެކޮޅު ހައްދަވާފަ އެވެ. ބީއެމްޑަބްލިއުގެ ސީއީއޯ އޮލިވާ ޒިޕްސޭ ވަނީ މި ޕްލޭނަކީ ގޯސް މަގެއް ކަމަށް ވިދާޅުވެ އެކަމަށް ފާޑު ވިދާޅުވެ، މިފަދަ ޓެރިފްތައް ނެގުމަކީ ޔޫރަޕްގެ ކާރު އުފައްދާ ކުންފުނިތަކުގެ އިތުރުން ޔޫރަޕްގެ މަސްލަހަތުތަކަށް ވެސް ގެއްލުންވާ ކަމެއް ކަމަށް ވިދާޅުވެފަ އެވެ.
އީޔޫގެ ކުރީގެ ޓްރާންސްޕޯޓް ކޮމިޝަނަރު ވަޔޮލެޓާ ބުލްކް ޒިންހުއާ އަށް ވިދާޅުވީ ވިޔަފާރީގެ ހުރަސްތައް އެޅުމުގެ ބަދަލުގައި ކޯޕަރޭޓިވް ވިސްނުމެއް ގެންގުޅުމަކީ ރަނގަޅު ކަމެއް ކަމަށާއި، ޗައިނާގެ އީވީ ޓެކްނޮލޮޖީގެ ދެމެހެއްޓެނިވި ކުރިއެރުންތަކުގެ ފައިދާ ޔޫރަޕްގެ ކަސްޓަމަރުންނަށް ލިބިގެންދާނެ ކަމަށެވެ.
ކްރޮއޭޝިއާގެ ޕޮލިޓިކަލް އެނަލިސްޓް ކްރެސިމިރް މެކަން ޒިންހުއާ އަށް ވިދާޅުވީ، ދުރު ރާސްތާ ނަޒަރަކުން ބަލާއިރު، އެ ކޮމިޝަނުގެ މި ފިޔަވަޅަކީ ޔޫރަޕްގެ އޮޓޯމޯބައިލް އިންޑަސްޓްރީގެ އިތުރު ކުރިއެރުމަށް ނޭދެވޭ އަސަރުކުރާނެ ކަމެއް ކަމަށެވެ.
