Monday, 16 November 2026
Advertisement
STO — McCoy (leaderboard)
އިޖުތިމާޢީ

ހައްޖުވެރިން އަންނާތީ ބާރުބޮޑުވާނެ، އެމްއޭސީއެލްއިން އިލްތިމާސްކުރީ ކުރިއާލާ ދިއުމަށް

ހައްޖުވެރިން އަންނާތީ ބާރުބޮޑުވާނެ، އެމްއޭސީއެލްއިން އިލްތިމާސްކުރީ ކުރިއާލާ ދިއުމަށް
ރާއްޖެއިން މި އަހަރު ހައްޖަށް ދިޔަ ހައްޖުވެރިން މިއަދު އެނބުރި އަންނާތީ ވެލާނާ އިންޓަނޭޝަނަލް އެއާޕޯޓު ބާރުބޮޑުވާނެ ކަމަށާއި، އެހެންވެ އެއާޕޯޓުން ދަތުރުކުރާ ފަރާތްތަކުން ކުރިއާލައި އެއާޕޯޓަށް ދިއުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފި އެވެ. . އެމްއޭސީއެލް އިން މިއަދު 'އެކްސް' ގައި ކުރި ޕޯސްޓެއްގައި ވަނީ ހައްޖުވެރިން އަންނާތީ ތިން ގަޑިއިރު ކުރިން އެއާޕޯޓަށް ދިއުމަށް ދަތުރުކުރާ ފަރާތްތަކަށް އިލްތިމާސްކޮށްފަ އެވެ. އަދި އެ ކުންފުނިން ވަނީ އެތަނުގެ މުވައްޒަފުންގެ އިރުޝާދުތަކާ އެއްގޮތަށް ތަބާވުމަށް ވެސް އެދިފަ އެވެ. މި ދުވަސްވަރާ ދިމާކޮށް އަންނާނެ ބަލިތަކާ މެދު ސަމާލުވުމަށްވެސް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ އިއްޔެ އިލްތިމާސްކޮށްފަ އެވެ. އެގޮތުން ހައްޖުން އަންނަތާ 14 ދުވަސް ތެެރޭގައި ހުން އައުން، ކެއްސުން، ނޭވާލާން އުނދަގޫވުން، މޭގައި ރިއްސުން ފަދަ އަލާމާތެއް ފެނިއްޖެނަމަ ލަސްނުކޮށްް ޑޮކްޓަރަށް ދެއްކުމަށް އިލްތިމާސްކުރާ ކަމަށް އެޗްޕީއޭއިން ވަނީ ބުނެފަ އެވެ. އަދި ރޯގާ ޖެހިފައިވާނަމަ ކުޑަކުދިން ކައިރި ނުކުރުމަށްްވެސް އެޗްޕީއޭއިން އެދިފައިވެ އެވެ.

ހައްޖުވެރިން ރާއްޖެ އަންނަ ދުވަސްތަކަކީ މިއަދާއި، 28 ޖޫން، އަދި 01 ޖުލައި 04 ޖުލައި އެވެ.

ރާއްޖެއަށް މިއަހަރު ހައްޖު ކޯޓާގެ ގޮތުގައި ލިބުނީ 1،150 ކޯޓާ އެވެ. އޭގެ ތެރޭގައި ހިމެނެނީ ރަސްމީ ކޯޓާގައި ދިޔަ 1000 މީހުންނާއި އިތުރަށް ލިބުނު ކޯޓާގައި ދިޔަ 150 މީހުންނެވެ. ހުރިހާ ކޯޓާއެއްވެސް ސަރުކާރުން ދިނީ ހައްޖު ކޯޕަރޭޝަނަށެވެ. ރާއްޖެއިން މި އަހަރު ހައްޖަށް ދިޔަ އެކަކު ވަނީ ނިޔާވެފަ އެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.