ބަންގްލަދޭޝް މީހުންނަށް ރާއްޖެއިން ވަޒީފާގެ ފުރުސަތުތައް އިތުރުކޮށްދޭން އެދިއްޖެ
ބަންގްލަދޭޝްގެ ރައްޔިތުންނަށް ރާއްޖެއިން ވަޒީފާގެ ފުރުސަތުތައް މިހާރަށް ވުރެ ފަހިކޮށްދިނުމަށް އެ ގައުމުން އެދިއްޖެ އެވެ.
ބަންގްލަދޭޝްގެ ތިމާވެއްޓާ ބެހޭ ވަޒީރު މިގޮތަށް އެދިވަޑައިގެންނެވީ، މިހާރު ބޫޓާންގައި ކުރިއަށްދާ ތިމާވެށީގެ މައްސަލަތަކަށް ވަކާލާތުކުރާ ސައުތު އޭޝިއާގެ މައި ޖަމިއްޔާ، ސައުތު އޭޝިއާ ކޯޕަރޭޓިވް އެންވަޔަރަންމަންޓް ޕްރޮގްރާމް،(ސަކެޕް) ކޮންފަރެންސްގެ ހަވާސާގައި ރާއްޖޭގެ ތިމާވެއްޓާ ބެހޭ ވަޒީރު ތޯރިގް އިބްރާހީމް އާއި އެކު ބޭއްވި ބައްދަލުވުމުގަ އެވެ.
ބަންގްލަދޭޝްގެ މީޑިއާތަކުން ރިޕޯޓުކޮށްފައިވާ ގޮތުގައި އެ ގައުމުގެ ވަޒީރު ވަނީ، ދެ ގައުމު ގުޅިގެން އީކޯ- ޓޫރިޒަމް ޕްރޮގްރާމްތަކެއް ހިންގުމަށާއި ބަންގްލަދޭޝްގެ ރައްޔިތުންނަށް ރާއްޖެއިން ވަޒީފާގެ ފުރުސަތުތައް ފަހިކޮށްދިނުމަށާއި ބަންގްލަދޭޝް މަސައްކަތްތެރިންގެ ރައްކާތެރިކަން ކަށަވަރުކުރުމަށް އެދިވަޑައިގެންފަ އެވެ.
މި ބައްދަލުވުމުގައި މިނިސްޓަރު ތޯރިގް ވަނީ، ބަންގްލަދޭޝް އިން މަސައްކަތްތެރިން ގެނައުމުގެ ފުރުސަތު މިފަހުން ހުޅުވާލާފައިވާކަން ފާހަގަކުރައްވައި، ކުރިއަަށް އޮތްތަނުގައި އެ ގައުމުގެ މަސައްކަތްތެރިން ރާއްޖޭގައި އިތުރުވާނެ ކަމަށް ވިދާޅުވެފަ އެވެ.
މީގެއިތުރުން މިނިސްޓަރު ވަނީ ބަންގްލަދޭޝް އިން ރާއްޖެއަށް މޭވާ އަޅާ ގަސްގަހާއި ބޭސްވެރިކަމަށް ބޭނުންކުރާ ގަސްގަހާގެހި ރާއްޖެއަށް ގެނެސް ނާސަރީތަކެއް ގާއިމުކުތުމުގައި އެއްބާރުލުމަށް އެދިވަޑައިގެންފަ އެވެ.
ބަންގްލަދޭޝްއިން އަންސްކިލްޑް ލޭބަރުން ގެނައުން މަނާކުރީ މިދިޔަ 2019 ގަ އެވެ. އެކަމަކު، މިދިޔަ ޑިސެމްބަރުގައި އާ ސަރުކާރުން ވަނީ އެ ގައުމުން މަސައްކަތްތެރިން ގެނައުމަށް ހުޅުވާލާފަ އެވެ. މިހާރުވެސް ރާއްޖޭގަައި 96،000 އެއްހާ ބަންގްލަދޭޝް މަސއްކަތްތެރިން އުޅެ އެވެ.
ދެންމިގައުމު އެއްކޮށްދީ އެގައުމައް އޭރުންނިމުނީ