ސިޔާސީ މަގާމުތަކުގެ އަދަދު ހާމަނުކުރުމަކީ ވައުދާ ހިލާފުވުން: ފައްޔާޒް

މި ސަރުކާރުން ސިޔާސީ މަގާމުތަކަށް އައްޔަނުކޮށްފައިވާ މީހުންގެ އަދަދު ހާމަނުކުރުމަކީ "މައުލޫމާތު ހާމަކުރާނެ ކަމަށް" ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެވަޑައިގެންނެވި ވައުދާ ހިލާފުވުން ކަމަށް އިދިކޮޅު އެމްޑީޕީގެ ޗެއާޕާސަން ފައްޔާޒް އިސްމާއީލް މިއަދު ވިދާޅުވެއްޖެ އެވެ.
ފައްޔާޒް މިގޮތަށް ވިދާޅުވީ މި ސަރުކާރުގެ ސިޔާސީ މަގާމުތަކުގެ އަދަދާއި އެސްއޯއީތަކުގެ މުވައްޒަފުންގެ މުސާރަ ހާމަކުރުމަށް ގޮވާލައި އެމްޑީޕީގެ ފަރާތުން ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް ހުށަހެޅުއްވި މައްސަލަ މިއަދު ބޭއްވި މަޖިލީހުގެ ޖަލްސާގައި ބޭރުކޮށްލުމަށް ނިންމުމުން ނެވެ.
https://dhen.mv/229824
'އެކްސް' ގައި ކުރި ޕޯސްޓެއްގައި ކުރީ ސަރުކާރުގައި އިކޮނޮމިކް މިނިސްޓަރަކަށް ވެސް ހުންނެވި ފައްޔާޒް ވިދާޅުވީ އެ ކުއްލި މައްސަލަ ބޭރުކޮށްލީ ރިޔާސީ އިންތިހާބުގައި ރައީސް ވެވަޑައިގެންނެވި ވައުދާ ހިލާފަށް، މަގާމްތަކުގެ އަދަދު އިތުރުވެ، ދައުލަތުގެ ހަރަދު ނުކަތާ ވަރަށް ދިޔުމުން ކަމަށެވެ.
"<span class="css-1jxf684 r-bcqeeo r-1ttztb7 r-qvutc0 r-poiln3">ގައުމުގެ އިގްތިސާދު މިދާ މިސްރާބަކީ އިގްތިސާދު މެނޭޖުކުރަން މިސަރުކާރަށް ނޭނގި ރައްޔިތުންނަށް ކަންކަން އޮޅުވާލާ ދޮގުހެދުމުގެ ސަބަބުން ކުރިމަތިވާ ކަމެއް. ހާމަނުކުރާނެ އެއްވެސް ކަމެއް ނޯންނާނެކަމަށް ވައުދުވީ" ފައްޔާޒް ވިދާޅުވި އެވެ. </span>
މި ސަރުކާރުގެ ސިޔާސީ މަގާމުތަކުގެ އަދަދު 700 އަށް ވުރެ އިތުރު ނުވާނެ ކަމަށް ރައީސް ވިދާޅުވި ނަމަވެސް. މިހާރު އެ އަދަދު އެއަށް ވުރެ އިތުރުވެފައިވާކަމުގެ ކަންބޮޑުވުން އިދިކޮޅުންނާއި އާއްމުންގެ ބައެއް މީހުން ދަނީ ފާޅުކުރަމުން ނެވެ. މި ސަރުކާރު ހިންގާނީ ދެފުށް ފެންނަ ގޮތަކަށް، ހާމަކަންބޮޑު ގޮތެއްގައި ކަމަށް އޭރު ބުނި ނަމަވެސް، ސަރުކާރަށް 6 މަސް ވެގެންދިޔައިރު ވެސް އެ މައުލޫމާތުތަކެއް ހާމައެއް ނުކުރެ އެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.