ހައިޑްރޯގްރަފިކް އޯގަނައިޒޭޝަނުގެ މެމްބަރަކަށް ވާން މަޝްވަރާކޮށްފި
އިންޓަނޭޝަނަލް ހައިޑްރޯގްރަފިކް އޯގަނައިޒޭޝަނުގެ މެމްބަރު ގައުމަކަށް ދިވެހިރާއްޖެ ވުމާ ގުޅޭގޮތުން ފިޝަރީޒް އެންޑް އޯޝަން ރިސޯސަސް މިނިސްޓްރީ އާއެކު މޯލްޑިވްސް ހައިޑްރޯގްރަފިކް ސާވިސްއިން މަޝްވަރާކޮށްފި އެވެ.
މި ބައްދަލުވުމުގައި އިންޓަނޭޝަނަލް ހައިޑްރޯގްރަފިކް އޯގަނައިޒޭޝަނުގެ މެމްބަރު ގައުމަކަށް ދިވެހިރާއްޖެ ވުމުން، އެކަމުން ރާއްޖޭގެ ހައިޑްރޯގްރަފީގެ ދާއިރާއަށް ލިބޭނެ ކުރިއެރުންތަކާ ގުޅޭގޮތުން ހިޔާލު ބަދަލުކޮށް، މި ދާއިރާއިން ކުރަމުން އަންނަ މަސައްކަތްތަކާ ބެހޭގޮތުން ވަނީ މަޝްވަރާ ކޮށްފަ އެވެ.
މޯލްޑިވްސް ހައިޑްރޯގްރަފިކް ސާވިސްއިން މެރިން ސްޕޭޝިއަލް ޑޭޓާ އިންފްރަސްޓްރަކްޗާ ގާއިމުކުރުމަށް ކުރަމުންދާ މަސައްކަތްތަކާ ގުޅޭގޮތުން ވެސް މި ބައްދަލުވުމުގައި މަޝްވަރާ ކޮށްފައިވެ އެވެ.
ޑިފެންސް މިނިސްޓްރީގެ ދަށުން ހިންގާ އިދާރާއެއްގެ ގޮތުގައި މޯލްޑިވްސް ހައިޑްރޯގްރަފިކް ސާވިސް އުފައްދާފައި ވަނީ 2022 ވަނަ އަހަރުގެ ޖެނުއަރީ މަހު އެވެ. އެ އިދާރާގެ މައިގަނޑު މަސްއޫލިއްޔަތަކީ ރާއްޖޭގެ ކަނޑުގެ ސަރަހައްދުގައި ހައިޑްރޯގްރަފީގެ ސާވޭތައްކޮށް، މައުލޫމާތު އެއްކޮށް ބެލެހެއްޓުމެވެ.
ހައިޑްރޯގްރަފީއަކީ ކަނޑުތަކާއި ކޯރު ފަދަ ތަންތައް ދިރާސާކޮށް، އެތަންތަނުގެ ޗާޓުތައް ތައްޔާރުކުރުން ފަދަ ކަންކަމުގައި ބޭނުންކުރާ ސައިންސްގެ ފަންނެކެވެ.
