ލިސްޓު އުވާނުލާނެ، ދާއިމީ ލިސްޓު އޮކްޓޫބަރުގައި އާއްމުކުރަނީ
ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގެ ފަހުކޮޅު "ގެދޮރުވެރިޔާ" ސްކީމުގެ ދަށުން ހުޅުމާލޭގައި އަޅާ ފްލެޓް ލިބޭ މީހުންގެ ލިސްޓު އުވާނުލާނެ ކަމަށާއި އެކަމަކު ރިވިއުކޮށް ދާއިމީ ލިސްޓު، ފްލެޓްތަކުގެ މަސައްކަތް ނިމެންވާއިރަށް އާއްމުކުރުމުގެ މަސައްކަތް ކުރަމުންދާ ކަމަށް ހައުސިން މިނިސްޓަރު އަލީ ހައިދަރު މިއަދު ވިދާޅުވެއްޖެ އެވެ.
ގެދޮރުވެރިޔާ ސްކީމުގެ ދަށުން ފްލެޓް ލިބޭނެ ކަމަށް ގެޒެޓް ކުރެވިފައިވާ އެންމެހާ ފަރާތްތަކަށް އަދި ކަމުގެ މަސްލަހަތު އޮތް އެންމެހައި ފަރާތްތަކުގެ ފްލެޓް ބާތިލުނުކުރުމަށް އެދި ހުށަހަޅާފައިވާ ޕެޓިޝަންއާ ގުޅޭ ގޮތުން ރައްޔިތުންގެ މަޖިލީހުގެ ޕެޓިޝަން ކޮމިޓީއަށް ހައުސިން މިނިސްޓްރީގެ ވެރިން މިއަދު ހާޒިރުކޮށްފައިވެ އެވެ.
އެ ކޮމިޓީގައި މެންބަރަކު ކުރި ސުވާލުގެ ޖަވާބުގައި ހައިދަރު ވިދާޅުވީ ކުރީ ސަރުކާރުން އެކުލަވާލާފައިވާ ލިސްޓު އުވާލުމުގެ ވިސްނުމެއް ނުގެންގުޅޭ ކަމަށެވެ. އެކަމަކު ދާއިމީ ލިސްޓު އެކުލަވާލާނީ އެ ލިސްޓު "ރީ-އިވެލުއޭޓް" ކޮށްގެން ކަމަށެވެ.
ދާއިމީ ލިސްޓު އާއްމުކުރެވޭނެ ތާރީހަކާއި ގުޅޭ ގޮތުން މެންބަރަކު ސުވާލުކުރެއްވުމުން ހައިދަރު ވިދާޅުވި 4000 ފްލެޓުގެ މަސައްކަތް ނިމެންވާއިރު ފައިނަލް ލިސްޓު ގެޒެޓް ކުރެވޭނެ ކަމަށެވެ.
"އަޅުގަނޑަށް އެނގިފައިވާ ގޮތުގައި އެންމެ ފުރަތަމަ 32 ޓަވަރުގެ ތެރެއިން 6 ޓަވަރު ނިމޭނީ އޮކްޓޫބަރު މަސް ނިމޭހާ ތަނުގައި، އިރާދަކުރެއްވިއްޔާ އެހާތަނަށް ފައިނަލް ލިސްޓު އާއްމުކުރާނަން" ހައިދަރު ވިދާޅުވި އެވެ.
މިދިޔަ ސަރުކާރުން ފްލެޓު ލިބުނު މީހުންގެ ދާއިމީ ލިސްޓު އާންމުކުރުމުން ބައެއް މީހުން ވަނީ އެ ފްލެޓް ހަވާލުކުރުމުގެ ކަންކަމުގައި ގޯސްތަކެއް ހަދާފައިވާކަމަށް ބުނެ، އޭސީސީއަށް ޝަކުވާ ހުށަހަޅައިފަ އެވެ. އަދި އެ ޝަކުވާތަކާ ގުޅިގެން އޭސީސީގެ ތަހުގީގު ނިމެންދެން އެއްބަސްވުމުގައި ސޮއިކުރުމާއި ފްލެޓް ހަވާލު ކުރުމުގެ ކަންކަން މަޑުޖައްސާލަން އޭރު އޮތް ސަރުކާރަށް ކޮމިޝަނުން އެންގި އެވެ.
އެ މައްސަލަ ތަހުގީގު ކުރުމަށް ފަހު، އޭސީސީން ބުނެފައި ވަނީ ކުރީ ސަރުކާރުން ދޫކުރި 4000 ފްލެޓް ދީފައިވާ މީހުންގެ ތެރެއިން 60 އިންސައްތަ މީހުންނަކީ ޝަރުތު ހަމަނުވާ މީހުން ކަމަށެވެ. ފްލެޓުތަކުގެ ދާއިމީ ލިސްޓުގައި ޝަރުތު ފުރިހަމަވެ، އެއްވެސް މައްސަލައެއް ފާހަގަކުރެވިފައި ނުވާ ފޯމުތަކުގެ ނިސްބަތަކީ 20.7 ޕަސެންޓު ކަމަށާއި، އަދި ޝަރުތު ފުރިހަމަވީީ ނަމަވެސް މައްސަލަ ހުރި ފޯމުތަކުގެ ނިސްބަތަކީ 19.7 ޕަސެންޓު ކަމަށް އޭސީސީއިން ބުނެފައިވެ އެވެ.
ބިންވެރިޔާ އަދި ގެދޮރުވެރިޔާ ސްކީމަށް ކުރިމަތިލާފައިވާ ފަރާތްތައް އިވެލުއޭޓްކޮށް ބިމާއި ފްލެޓް ދޭނެ ފަރާތްތައް ކަނޑައެޅުމަށް ރައީސް ޑރ. މުހައްމަދު މުއިއްޒުގެ ލަފާފުޅުގެ ދަށުން ފްލެޓު މައްސަލައިގައި ނިންމަންޖެހޭ ނިންމުންތަކަށް ލަފާ ދިނުމަށް 'ގެދޮރުވެރިންގެ ކޮމިޓީ' ގެ ނަމުގައި ފަސް މެންބަރުންގެ ކޮމިޓީއެއް އެެއް ވަނީ އެކުލަވާލާފަ އެވެ.
ކުރީގެ ސަރުކާރުގެ ބިންވެރިޔާ ސްކީމްގެ ދަށުން ހުޅުމާލެ 2 އާއި ހުޅުމާލެ 3 އާއި ގުޅިފަޅު އަދި ގިރާވަރުފަޅުން ފުރަތަމަ ބުރުގައި 9،001 ގޯތި ދޫކުރުމަށް ނިންމައި، ގޯތި ލިބުނު މީހުންނަށް ރަޖިސްޓްރީ ވެސް ދޫކޮށްފައިވެ އެވެ. އަދި މިހާރު ހިއްކާ ނިމިފައި ހުރި ބިންތަކުން ބިންކަނޑާ ބިން ހަވާލު ވެސް ކުރި އެވެ. ހުޅުމާލެ 3 އާއި ގުޅިފަޅު އަދި ގިރާވަރުފަޅުގެ ބިން ހިއްކާ ނުނިމުނަސް ވަނީ ގަވާއިދަށް ބަދަލު ގެނެސްގެން ބިމުގެ ރަޖިސްޓްރީ ވެސް ހަވާލުކޮށްފަ އެވެ.
ބިންހިކާ ރަޖިސްޓުރީ ހަވާލުކުރާއިރު ކުރީ ސރުކާރުން ރަޖިސްޓުރީ ހަވާލް ކޮފައި ތިބި މީހުންނަ އިންކަނޑާ ބިން ހަވާލު ނުކޮށް މިސަރުކާރުން ރަޖިސްޓުރީ ދޭފަރާތަކަށް ބިން ދެމުން ދާކަމުގެ ހަބަރު ބައެފަރާތަކުން ބުނަމުން ދޭ މީގެ ހަގީގަތް ރަޔެތުނަށް ހާމަ ކުރަންޖެހޭނެ ކިތަމެވަރަކަ ލިއުނަސް މި ސަރުކާރުން ޓުރާންސްޕޭރަންޓެކޭ ނެއް ބުނެވޭކަށް ހަގީގަތުގައި ހަވާލް ކުރާ ފަރާތަކުގެ ވަނަތަރު ހާމަނުކޮށް މިސަރުކާރު ރަޔެތުންގެ ކެއްކުޅުންތަކަބެލުމެއްނެތި ހިތު ހުރިގޮތަކަށްކަންޔަކުރޭ އަދިވެސް މިހާތަނާހަމައަށް އޭސީސީން ނިމިގޮތް ހައުސިންގް ހާމަ ކޮށްފަކާނުވޭ މީ އޭގެއެއްހެކި މިސަރުކާރު ރަޔެތުންނާ ވަރަގާތުންނޯ ހިދުމަތް މިދެނީ މައުލޫމާތު ހިތްސާ ނުކޮށް ހުރިހާ އެއްޗެވަނި ހައިދަރުގެ ގޮރުތެޔަލާ ފޮރުވާފައި މިސަރުކާރު ެިސްތިއުފާދޭން އެބަޖެހޭ