އެމްއެމްޕީއާރުސީގެ ޚިޔާނާތަށްވުރެ ކުރީ ސަރުކާރުން ދިން ގޯތީގެ ސަބަބުން ދައުލަތަށް ލިބުނު ގެއްލުން ބޮޑު: މުސްތޮ

އެމްޑީޕީގެ ވެރިކަން ނިމެން ދަނިކޮށް, ހުޅުމާލެއިންނާއި ގުޅީފަޅުން އަދި ގިރާވަޅުފަޅުން މާލޭ މީހުންނަށް ޚާއްސަކޮށްގެން ދިން ގޯތިތަކުގެ ސަބަބުން, ރައީސް ޔާމީންގެ ވެރިކަމުގައި ހިންގި އެމްއެމްޕީއާރުސީގެ ޚިޔާނާތަށްވުރެ ބޮޑު ގެއްލުމެއް ދައުލަތަށް ލިބުނު ކަމަށް މާފަންނު ހުޅަނގު ދާއިރާގެ މަޖިލިސް މެންބަރު މުޙައްމަދު މުސްތަފާ އިބްރާހީމް (އިމްނާ މުސްތޮ) ވިދާޅުވެއްޖެއެވެ.
"ދެން"ގެ ހަވާސާއިން ބޭރުން ޕޮޑްކާސްޓްގެ މެހެމާނެއްގެ ގޮތުގައި ބައިވެރިވެ ވަޑައިގެން ދެއްކެވި ވާހަކަފުޅުގައި މުސްތޮ ވިދާޅުވީ, ނިމިދިޔަ އެމްޑީޕީގެ ސަރުކާރުން ބޯހިޔާވެހިކަން ފޯރުކޮށްދިން މީހަކު ނެތް ކަމަށާއި, ބޯހިޔާވެހިކަން ފޯރުކޮށްދިނުމުގެ ނަމުގައި ހިންގީ ޖަރީމާއެއް ކަމަށެވެ. އަދި ރާއްޖޭގެ ބޯހިޔާވެހިކަމުގެ މައްސަލައަށް ހައްލު ހޯދާދެވޭނެ ތަޖުރިބާއާއި ތައުލީމު ހުރި ހަމައެކަނި ބޭފުޅަކީ މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަމަށް ވިދާޅުވިއެވެ,
"ރައީސް ޑރ. މުއިއްޒަކީ ތަޖުރިބާއާއި އިލްމުގެ ގޮތުން މިކަން [ބޯހިޔާވެހިކަމުގެ މައްސަލައަށް ހައްލު ގެނެވޭނެ] ހަމައެކަނި ފަރާތް" މުސްތޮ ވިދާޅުވީ ޑރ. މުޢިއްޒުގެ ހައުސިން މިނިސްޓަރު ކަމުގެ
"އަޅުގަނޑުމެންގެ ސަރުކާރެއްގައި ދެއްތޯ ހުޅުމާލެ ފޭސް ދޭއް ހަދާ, ހިއްކާ, އެތަނުގައި ތާޅު އަޅާ, ކަރަންޓް ގެންގޮސް, 25 ބުރީގެ އިމާރާތްތައް ހަދާ, އެތަނުން އެތައް ބަޔަކަށް ބޯހިޔާވެހިކަން ދިނީ. އޭރު އެކަމާ ހަވާލުވެ, ހައުސިން މިނިސްޓަރަކަށް ހުންނެވީ ޑރ. މުޢިއްޒު, ހުންނަވައިގެން މިކަން ކޮށްދެއްވި"
މުސްތޮ ފާހަގަ ކުރެއްވި ގޮތުގައި, ރައީސްމުއިއްޒުގެ މެނިފެސްޓޯގައި އެންމެ މުހިންމު އެއް ކަމަކީ ބޯހިޔާވެހިކަން ހުރިހާ ރައްޔިތުންނަށް ފޯރުކޮށްދިނުމެވެ. އަދި ސަރުކާރުގެ އެންމެ ބޮޑު ވައުދަކީ ވެސް އެއީއެވެ. އަދި މިވެރިކަމުގައި ރައީސް މުޢިއްޒު އެކަންކޮށްދެއްވާނެ ކަމަށް ވިދާޅުވިއެވެ.
މުސްތޮ ފާހަގަ ކުރެއްވި ގޮތުގައި, ރައީސް ޔާމީންގެ ވެރިކަން ނިމި ދެން އައި ފަސް އަހަރުން ގޯތި ދިނުމުގެ ނަމުގައި ހިންގީ ޖަރީމާއެވެ.
"އޭގެ ފަހުން އައި ފަސް އަހަރުން ކީއްތޯ މިވީ, އެ ވިޝަންއާއި ވިސްނުން ހުންނަން ޖެހޭނެ, އެ އިލްމާއި ތަޖުރިބާ ނެތީ, ފަސް އަހަރު ނިމެނިކޮށް މި ފެނުނީ, ފަޅުތަކާއި ފަޅުތަކުން, ބަޔަކު ހިއްކާފައި އޮތްތަންނުން ގޯތިދިންތަން. ފަސް އަހަރު ނިމިނުއިރު ބޯހިޔާވެހިކަން ދެވުނު މީހެއް ނެތް" މުސްތޮ ވިދާޅުވިއެވެ.
"ސަރުކާރަކުން ހިންގި އެންމެ ބޮޑު ޖަރީމާއޭ, އެމްއެމްޕީއާރުސީގެ ޚިޔާނާތުން ދިވެހި ދައުލަތަށް ލިބުނު ގެއްލުން މާބޮޑޭ މިކަމުން. އެއީ ކަމެއް ނޭނގި, ތަޖުރިބާއެއް ތައުލީމެއް ނެތި, އިޚްލާސްތެރިކަމެއް ނެތި ކުރެވުނު ކަމެއްގެ ސަބަބުން ވީ ކަމެއް"
މުސްތޮ ވިދާޅުވީ, ރައީސް ޑރ. މުޢިއްޒުގެ ވިސްނުންފުޅަކީ ގިރާވަރުފަޅާއި ގުޅީފަޅުން ހިއްކާ މިންވަރު އިތުރުކޮށް, އަދި ބޯހިޔާވެހިކަމުގެ ޓޯޓަލް ސޮލިއުޝަނަކަށް ރަސްމާލެ ހިއްކާ, މި ފަސް އަހަރުގެ ތެރޭގައި އެތަނުގައި މީހުން ދިރިއުޅެން ފެށުން ކަމަށެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.