Tuesday, 17 November 2026
Advertisement
HDC — Share-Below (leaderboard)
ވިޔަފާރި

ޑޮލަރުން ޓެކްސް ނެގުމަށް ތާއީދު ކުރަން: މަޓާޓޯ

ޑޮލަރުން ޓެކްސް ނެގުމަށް ތާއީދު ކުރަން: މަޓާޓޯ
ޑޮލަރުން އާމްދަނީ ލިބޭ ވިޔަފާރިތަކުން ޑޮލަރުން ޓެކްސް ދެއްކުމަށް ސަރުކާރުން ނިންމާފައިވާ ނިންމުމަށް މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ތާއީދުކުރާ ކަމަށް ބުނެފި އެވެ. މަޓާޓޯ އިން ރޭ ނެރުނު ބަޔާނެއްގައި ބުނީ އެ އިސްލާހު ގެނުމަށްފަހު ފަތުރުވެރިކަމުގެ ދާއިރާގެ އަމަލީ ކަންކަމާއި އެއްގޮތްވާ ގޮތުގެ މަތިން ކުރެވޭ ކަމެއްތޯ ބެލުން ކަމުގައިވީއިރު، ޑޮލަރުން ލިބޭ އާމްދާނީން ޑޮލަރުން ޓެކްސް ނެގުމަކީ ކުރަން ޖެހޭ ކަމެއް ކަމަށެވެ. އަދި ސަރުކާރުން މުދަލާއި ހިދުމަތުގެ އަގަށް ގެންނަން އުޅޭ ބަދަލަކީ އިގްތިސާދަށް ކުރިއެރުމެއް އަންނާނެ ކަމެއް ކަމަށްވެސް މަޓާޓޯ އިން ބުންޏެވެ. ސަރުކާރުގެ މާލީ މަގުސަދުތަކަށް ފުރިހަމައަށް އެއްބާރުލުން ދޭނެ ކަމަށާއި ފަތުރުވެރިކަމުގެ ސިނާއަތުގެ މަސްލަހަތު ހިމާޔަތްކޮށް، އިގުތިސާދަށް ފައިދާ ކުރާނެ ގޮތަކަށް ޖީއެސްޓީ ނެގުމުގެ ސިޔާސަތުތަކަށް ގެނެވޭ ކޮންމެ ބަދަލެއް ތަންފީޒު ކުރުމަށް ވެސް ސަރުކާރާ ގުޅިގެން މަސައްކަތް ކުރާނެ ކަމަށްވެސް މަޓާޓޯ އިން ބުންޏެވެ. އަދި އެކަމުގައި ރައީސް ޑރ. މުހައްމަދު މުއިއްޒު އަޅުއްވަން ނިންމާފައިވާ ކަންކަމަށް ފުރިހަމައަށް މަޓާޓޯއިން ތާއިދުކުރެ އެވެ.

"އަދި މި މުހިންމު ލަނޑުދަނޑިތައް ހާސިލުކުރުމަށްޓަކައި ގުޅުންހުރި ހުރިހާ ފަރާތްތަކާއެކު މަޝްވަރާކޮށް އެއްބާރުލުން ދެމިއޮންނާނެ ކަމަށް އުއްމީދު ކުރަމެ" މަޓާޓޯ އިން ބުންޏެވެ.

ދެމެހެއްޓެނިވި ގޮތެއްގައި ހަރަދު ކުޑަކޮށް، މާލީ ސިޔާސަތުތައް އިސްލާހު ކުރުމުގެ އެޖެންޑާއެއް ތަންފީޒު ކުުރުމަށް ސަރުކާރުން ކުރަމުންދާ މަސައްކަތްތަކަށްވެސް މަޓާޓޯއިން ތާއިދުކުރާކަން ވެސް ބަޔާނުގައި ފާހަގަކޮށްފައި ވެއެވެ.

ބޭރު ފައިސާއިން އާމްދަނީ ލިބޭ ވިޔަފާރިތަކުން ރާއްޖެއަށް އެތެރެކުރާ މުދަލުން ނަގާ އިމްޕޯޓް ޑިއުޓީ، އެމެރިކާ ޑޮލަރުން ނަގަން ވަޒީރުންގެ މަޖިލީހުން ނިންމީ މިދިޔަ ހޯމަ ދުވަހު ބޭއްވި ޖަލްސާގަ އެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.