އަރާދްޔާ ގޮވައިގެން އައިޝްވާރިޔާ، ބައްޗަން ގެއަށް ގޮސްފި، އަލުން ގުޅުނީތަ؟

އައިޝްވާރިޔާ ރާއީ އާއި އަބީޝެކް ބައްޗަންގެ ދަރިފުޅު އަރާދްޔާ ބައްޗަން ގޮވައިގެން އައިޝްވާރިޔާ ބައްޗަން ގެއަށް ދާ މަންޒަރު ފެނި އެތައް ސުވާލުތަކެއް އުފެދިއްޖެ އެވެ.

Ads by Hajj Corporation

މިމަންޒަރު މިހާރު ސޯޝަލް މީޑިއާގައި ދަނީ ވައިރަލްވަމުންނެވެ. މި ދުވަސްވަރަކީ އައިޝްވާރިޔާ އާއި އަބީޝެކް ވަރިވާން އުޅޭކަމުގެ އަޑުތަކެއް ފެތުރިފައިވާ ދުވަސްވަރެކެވެ.

ސޯޝަލް މީޑިއާގައި ދައުރުވާ ވީޑިއޯއިން ފެންނަ ގޮތުގައި ބައްޗަން ގެއަށް އަރާދްޔާ ދިޔައީ ސްކޫލު ޔުނީފޯމުގަ އެވެ. އައިޝްވާރިޔާ ހުރީ ފެހި ކުލައިގެ ހެދުމެއް ލައިގެންނެވެ. ކާރުން ފައިބައިގެން ގެއަށް ވަންނަން ދިޔަ މަންޒަރު ވީޑިއޯ ކޮށްފައިވާއިރު، ވީޑިއޯ ކުރަމުން ދިޔަކަން އައިޝްވާރިޔާއަށް އެނގުނު ހެންނެއް ހިއެއް ނުވެ އެވެ.

ދާދި ފަހުން އަނަންތު އަމްބާނީގެ ކައިވެނީގެ ހަފްލާއަށް ދެމީހުން ދިޔައީ ވަކިވަކިންނެވެ. މިކަމާއި ގުޅިގެން ވަރީގެ އަޑު ގަދަވި އެވެ. މީގެ އިތުރުން އަބީޝެކް މީޑިއާއަށް ފެނުނު ދަނޑިވަޅެއްގައި އޭނާގެ އިނގިލީގައި ކައިވެނީގެ އަނގޮޓި ނެތްކަން ފާހަގަވެގެންވެސް އެތައް ބަޔަކު ސުވާލު އުފެއްދި އެވެ.

ވަރީގެ ވާހަކަތައް އަބީޝެކް މީގެ ކުރިން ދޮގު ކުރި އެވެ. އެހެންނަމަވެސް މިކަމާ ގުޅިގެން އައިޝްވާރިޔާ އެއްވެސް ވާހަކައެއް ނުދައްކަ އެވެ. މި ދެމަފިރިން ވަކިން ދިރިއުޅޭތާ އަހަރަކަށްވުރެއް ގިނަ ދުވަސް ވެއްޖެ އެވެ.

ބައެއް ހަބަރުތައް ބުނާ ގޮތުގައި އައިޝްވާރިޔާ އާއި މައްސަލަ ޖެހުނީ އަބީޝެކްގެ އާއިލާ އާއެވެ. އޭނާގެ މަންމަ ޖަޔާ ބައްޗަން އާއި އައިޝްވާރިޔާ އާ ދެމެދު ގުޅުން ރަނގަޅު ނޫންކަމަށް މީޑިއާ ރިޕޯޓުތައް ބުނެ އެވެ.