އަންނަ ދިރާސީ އާ އަހަރަށް ދަރިވަރުން އެލްކޭޖީން ފެށިގެން އެކަކަށް ވައްދަން މާދަމާ ހުޅުވާލަނީ

އަންނަ ދިރާސީ އާ އަހަރަށް މާލޭގެ ސަރުކާރު ސްކޫލުތަކުގެ އެލްކޭޖީ, ޔޫކޭޖީ އަދި ގްރޭޑް އެކަކަށް ދަރިވަރުން  ވައްދުމުގެ ފުރުސަތު ހުޅުވާލަން ނިންމައިފި އެވެ.

Ads by STELCO

އެޑިއުކޭޝަން މިނިސްޓްރީން ބުނީ ދަރިވަރުން ވައްދަން ފޯމު ހުށަހެޅުމުގެ ފުރުސަތު މާދަމާއިން ފެށިގެން ލިބޭނެ ކަމަށެވެ.

އެގޮތުން މާލޭ ސަރަހައްދުގެ ސްކޫލުތަކަށް ދަރިވަރުން ވެއްދުމަށް ފޯމް ހުށަހަޅާނީ އޮންލައިން ފޯމް މެދުވެރިކޮށް ކަމަށާއި އެ ފޯމް އެޑިއުކޭޝަން، މިިނިސްޓްރީގެ ވެބްސައިޓުން ފެންނަން ހުންނާނެ ކަމަށެވެ.

ފޯމް ހުށަހެޅުމުގެ އެ ފަހު ތާރީހަކީ އަންނަ މަހު ހަ ވަނަ ދުވަހެވެ. އަދި އޭގެ ފަހުން އެއްވެސް އެޕްލިކޭޝަނެއް ބަލައިނުގަންނާނެ ކަމަށް މިނިސްޓްރީން ބުނެފައިވެ އެވެ.

އެހެންކަމުން ވީހާވެސް އަވަހަކަށް ފޯމުތައް ހުށަހަޅަން މިނިސްޓްރީން ވަނީ އެދިފަ އެވެ.