39 އަހަރު މީހަކު 70 ވަނަ ފަހަރަށް ހައްޔަރުކޮށްފި  

އުމުރުން 39 އަހަރުގެ ދިވެހި ފިރިހެނަކު 70 ވަނަ ފަހަރަށް ހައްޔަރުކޮށްފި އެވެ.

Ads by Hajj Corporation

އެ މީހަކީ ޏ. ފުވައްމުލައް, ދޫޑިގަން, ކަނޑުބަލާގެ އުމުރުން 39 އަހަރުގެ އަބްދުالله ނާޝިދެވެ.

ނާޝިދު މި ފަހަރު ހައްޔަރުކޮށްފައިވަނީ ވައްކަމުގެ މައްސަލައެއްގަ އެވެ. ހައްޔަރުކޮށް, ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން 15 ދުވަހަށް ބަންދުކުރަން އަމުރުކޮށްފައިވެ އެވެ.

ބަންދުގައި ބަހައްޓަން ޖެހޭ ސަބަބެއްކަމަށް ކޯޓު އަމުރުގައި ބަޔާންކޮށްފައިވަނީ މުޖުތަމައުގެ ސަލާމަތާއި ރައްކާތެރިކަމަށްޓަކަ އެވެ.

ކޯޓު އަމުރުގައި ބުނެފައިވަނީ ނާޝިދު މިފަހަރު ހައްޔަރުކުރި ވައްކަމުގެ މައްސަލައަކީ އިތުރު މީހަކު ބައިވެރިވެގެން ހިންގާފައިވާ އަމަލެއްކަން ބެލެވޭ ކަމަށެވެ.