Tuesday, 17 November 2026
Advertisement
Ooredoo — Airfibre (leaderboard)
ޚަބަރު

ނައިބު ރައީސް އަމީރަށް: މިއަދު މި ފެންނަނީ ސުޕަމެޖޯރިޓީގެ ނަހަމަ ނަތީޖާ

ނައިބު ރައީސް އަމީރަށް: މިއަދު މި ފެންނަނީ ސުޕަމެޖޯރިޓީގެ ނަހަމަ ނަތީޖާ

ނިމިގެން ދިޔަ ސަރުކާރުގެ މާލީ ހިސާބުތަކާ ގުޅޭ ގޮތުން މި ސަރުކާރުން ދެއްކި ވާހަތަކާ ގުޅޭ ގޮތުން ކުރީގެ ފިނޭންސް މިނިސްޓަރު އިބްރާހިމް އަމީރު ދެއްކެވި ވާހަކަތަކަށް ނައިބު ރައީސް ހުސެއިން މުހައްމަދު ލަތީފް ރައްދު ދެއްވައިފި އެވެ.

އިއްޔެ ބޭއްވި ނޫސްވެރިންގެ ބައްދަލުވުމުގައި މި ސަރުކާރުގެ ފިނޭންސް މިނިސްޓަރު މޫސާ ޒަމީރު ވިދާޅުވީ ވޭތުވެދިޔަ ދެތިން އަހަރު ނިޒާމީ ގޮތުން ދައުލަތުގެ ހަރަދު ރެކޯޑުކުރަމުން ދިޔަ ގޮތާ ގުޅޭ ސީރިއަސް، އަދި ގާނޫނާ ފުށުއަރާފަދަ މައްސަލަތަކެއް ފާހަގަކުރެވިފައިވާ ކަމަށެވެ.

އަދި ކުރިން ދައުލަތުގެ ހަރަދު ރެކޯޑުކުރަމުން ދިޔަ ގޮތާ ގުޅޭ ސީރިއަސް، އަދި ގާނޫނާ ފުށުއަރާފަދަ މައްސަލަތަކެއް ފާހަގަކުރެވުމާ ގުޅިގެން ވަނީ "ވީކްލީ ފިސްކަލް ޑިވެލޮޕްމަންޓްސް" އާންމުކުރުން މަޑުޖައްސާލާފައިވަ ކަމަށް ޒަމީރު ވިދާޅުވި އެވެ.

Advertisement
Ooredoo — Truecaller (box)

ނަމަވެސް ކުރީގެ ފިނޭންސް މިނިސްޓަރު އަމީރު ވިދާޅުވީ ސަރުކާރުން ހަދަމުންދަނީ ބުހުތާނު ދޮގު ކަމަށާއި މާލީ ހިސާބުތައް އޮޅުވާލީ ރައީސް އޮފީހުގެ ނުފޫޒުން ކަމަށެވެ.

އަމީރުގެ ވާހަކަތަކާ ގުޅިގެން ނައިބު ރައީސްވެސް ވަނީ އެކްސްގައި ރައްދު ދެއްވައިފަ އެވެ.

ނައިބު ރައީސް ވިދާޅުވީ މިއަދު ފެންނަނީ ކުރީގެ ރައީސް އިބްރާހިން މުހައްމަދު ސޯލިހުގެ ވެރިކަމުގައި ސަރުކާރު ހިންގި އެމްޑީޕީ އަށް ލިބުނު ރައްޔިތުންގެ މަޖިލީހުގެ ސުޕަ މެޖޯރިޓީ ބޭނުންކޮށްގެން ނަހަމަ ގޮތުގައި ކުރަމުންދިޔަ ކަންކަން ފަސްއަޅައި ފޮރުވުމުގެ ނަތީޖާ ކަމަށެވެ.

"ދިވެހި ދައުލަތަށް ކޮވިޑްގެ ދުވަސްވަރު ދިވެހި ދައުލަތަށް ލިބުނު އެހީތަކުގެ ތަފުސީލު ވެސް ފޮރުވާފައި ވަނީ ހަމަ މި ބީދައިންނެވެ. ގާނޫނުއަސާސީއާ ހިލާފަށް ކޮށްފައިވާ ކަންކަމަށް ފުރިހަމައަށް ޖަވާބުދާރީވާންޖެހޭ" އެމަނިކުފާނު ވިދާޅުވި އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.