ވެމްކޯގެ ހާއްސަ ހަފްލާއަކަށް މަޖިލީހުގެ ރައީސް ފޮނަދޫގައި
ވެމްކޯގެ ހާއްސަ ހަފްލާއަކަށް ރައްޔިތުންގެ މަޖިލީހުގެ ރައީސް އަބްދުއް ރަހީމް އަބްދުﷲ ރާއްޖެ ލ. ފޮނަދޫއަށް ވަޑައިގެންފި އެވެ.
އަބްދުއް ރަހީމް ފޮނަދޫއަށް ވަޑައިގެންނެވީ ވެމްކޯއިން މިއަދު ފެށި ފައްޓަމާ އާއިލީ ހަވީރު ޝަރަފުވެރިކޮށްދެއްވުމަށެވެ.
"ދެން" އެނގިފައިވާ ގޮތުގައި މިއީ ވެމްކޯގެ ހިދުމަތް ފޮނަދޫގައި ފެށުމުގެ ބޭއްވި އާއިލީ ހަވީރެކެވެ.
އަބްދުއް ރަހީމް ރައްޔިތުންގެ މަޖިލީހަށް މި ފަހަރު ހޮވިވަޑައިގަތީ ވެސް ފޮނަދޫގެ ގޮނޑި އަށެވެެ. އެމަނިކުފާނަކީ އެ ރަށަށް އުފަންވެސް ބޭފުޅެކެވެެ.
އަބްދުއް ރަހީމް ވަނީ 18 ވަނަ ދައުރުގައި ވެސް ފޮނަދޫ ދާއިރާގެ މެމްބަރުކަން ކުރައްވައިފަ އެވެ.
ރައީސް ޑރ. މުހައްމަދު މުއިއްޒުގެ ހާއްސަ އެޑްވައިޒަރުގެ މަގާމުވެސް ފުރުއްވަމުން ގެންދަވާ އަބްދުއް ރަހީމް ފޮނަދޫއަށް ވަޑައިގެންނެވުމުން ވަނީ ހޫނު މަރުހަބާއެއް އެ ރަށުން ކިޔައިފަ އެވެ.
