ގައުމީ މާސްޓަޕްލޭންގެ އެކުލަވާލަން ފަށަން ހަފްލާއެއް ބާއްވަނީ
ކުރިއަށް އޮތް 20 އަހަރު ދުވަހަށް ތައްޔާރުކުރާ ގައުމީ މާސްޓަޕްލޭންގެ މަސައްކަތް ރަސްމީކޮށް ފަށަން ހަފްލާއެއް ބާއްވަން ނިންމައިފި އެވެ.
އެ ހަލްފާ ބާއްވަން ނިންމިކަން ހާމަވީ ރާއްޖޭގެ ނޫހަކުން ކުރި ރިޕޯޓަކާ ގުޅިގެން ރައީސް އޮފީހުގެ ތަރުޖަމާނު ހީނާ ވަލީދު އެކްސްގައި ކުރެއްވި ޕޯސްޓަކުން ނެވެ.
ރާއްޖޭގެ ނޫހަކުން ރިޕޯޓްކުރި ގޮތުގައި އެ ހަފްލާ ބާއްވަނީ ދެ މިލިޔަނެއްހާ ރުފިޔާ ހަރަދުކޮށްގެން ނެވެ.
ނަމަވެސް އެ ވާހަކަތަކަށް ރައްދުދެއްވައި ހީނާ ވިދާޅުވީ އެއީ ގާތްގަނޑަކަށް 2 ލައްކަ ރުފިޔާއަށްވުރެވެސް ކުޑަ ބަޖެޓަކުން މުޅި ރާއްޖެ ޝާމިލުވާގޮތަށް ހިންގަން ރާވަމުން އަންނަ ކަމެއް ކަމަށެވެ.
އަދި ފާއިތުވި އަހަރެއްހާ ދުވަހުގެ ތެރޭގައި އެ ނޫހުން އެފަދަ އެތައް ދޮގު މައުލޫމާތެއް ގަސްތުގައި ފަތުރާފައި ކަމަށް ހީނާ ވިދާޅުވި އެވެ.
ނަމަވެސް މިނިވަން ނޫސްވެރިކަމުގެ ޓެގް އަޅުވައިގެން ރާއްޖޭގައި ދޮގު މައުލޫމާތު ފަތުރާ، ފިތުނަ ފަސާދަ އުފެއްދުމަށް މަސައްކަތް ނުކުރުމަށް ހީނާ އިލްތިމާސްކުރެއްވި އެވެ.
މާސްޓަ ޕްލޭންއާ ގުޅޭ ގޮތުން ބާއްވާ ހަފްލާއާ ގުޅޭގޮތުން ހީނާ އިތުރު ތަފްސީލެއް ނުދެއްވަަ އެވެ.
