Tuesday, 17 November 2026
Advertisement
HDC — Share-Below (leaderboard)
ޚަބަރު

ނުހައްގު މުއްސަނދިކަން ހޯދާ ކުށް ގާނޫނުގައި މާނަކުރާގޮތް އޮޅުންއަރާތީ، އިސްލާހުކުރަނީ

ނުހައްގު މުއްސަނދިކަން ހޯދާ ކުށް ގާނޫނުގައި މާނަކުރާގޮތް އޮޅުންއަރާތީ، އިސްލާހުކުރަނީ
ނުހައްގުން މުއްސަނދިކަން ހޯދާ ލިބިގަތުމުގެ ކުށް ކަނޑައެޅުމުގައި ގާނޫނު މާނަކުރާގޮތް އޮޅުންއަރާތީ, އިސްލާހުކުރަން ބިލެއް ހުށަހަޅައިފި އެވެ. އެ ބިލު ރައްޔިތުންގެ މަޖިލީހުގެ މިއަދުގެ ޖަލްސާއަށް ތައާރަފްކުރަން އެޖެންޑާކޮށްފައިވާއިރު އެ ބިލު ހުށަހެޅުއްވީ, ސަރުކާރުގެ ފަރާތުން މާފުށި ދާއިރާގެ މެންބަރު ހުސައިން ރިޒާ އާދަމެވެ. އިސްލާހު ހުށަހަޅާ ސަބަބެއްގެ ގޮތުގައި ބިލުގައި ބުނެފައިވަނީ ނުހައްގު މުއްސަނދިކަން ހޯދާ ލިބިގަތުމުގެ ކުށް ކަނޑައަޅާފައި އޮތްގޮތުން ގާނޫނު މާނަކުރުމުގައި އޮޅުންއަރާތީ ކަމަށެވެ. އެ އިސްލާހު ގެންނަނީ ގާނޫނުލްއުގޫބާތުގެ 515 ވަނަ މާއްދާއަށެވެ. އެގޮތުން އެ މާއްދާގެ 1 (ހ)ގައި ބުނެފައިވަނީ ދަައުލަތުގެ މުވައްޒަފަކު ނުވަތަ ދައުލަތުގެ މުވައްޒަފެއްގެ މަގާމެއް އަދާކޮށްފައިވާ މީހަކު އަންނަނިވި ކަންކަމުގެ ތެރެއިން ކަމެއް ކުރާނަމަ އެ ކުރަނީ ކުށެއް ކަމަށެވެ.
  • ދައުލަތުުގެ މުވައްޒަފަކަށްވެހުރެ ލިބެމުންދާ ނުވަތަ ދައުލަތުގެ މުވައްޒަފެއްގެ ގޮތުގައި ވަޒީފާ އަދާކުރިއިރު ލިބެމުންދިޔަ އާމްދަނީއާ ނުބައްދަލު ދިރިއުޅުމުގެ ފެންވަރެއް ގާއިމްކޮށްފައިވުން ނުވަތަ އެފަދައިން ގާއިމްކުރާ ދިރިއުޅުމުގެ ފެންވަރު ދެމެހެއްޓުން
  • ދައުލަތުގެ މުވައްޒަފަކަށް ހުރިއިރު ލިބެމުންދިޔަ ނުވަތަ ދައުލަތުގެ މުވައްޒަފަކަށްހުރެ ލިބެމުންދާ އާމްދަނީއާ ނުބައްދަލު މިންވަރަކަށް އޭނާގެ ނަމުގައި ނުވަތަ އޭނާއާ އާއިލީ ނުވަތަ ޒާތީ ނުވަތަ ވިޔަފާރީގެ ގުޅުމެއް އޮތް މީހެއްގެ ނަމުގައި މުދާ ނުވަތަ ފައިސާ ހޯދައި މިލްކުކުރުން
  • އެ ދިރިއުޅުމުގެ ފެންވަރު އޭނާ ގާއިމްކޮށް ހިފަހައްޓާފައިވަނީ ގާނޫނީގޮތުން ހުއްދަކޮށްފައިވާ ގޮތުގެމަތިންކަން ސާބިތުކޮށްނުދެވުން ނުވަތަ އޭނާއަށް ނުވަތަ އޭނާއާ އާއިލީ ނުވަތަ ޒާތީ ނުވަތަ ވިޔަފާރީގެ ގުޅުމެއް އޮތް މީހަކަށް އެ މުއްދަލެއް ނުވަތަ ފައިސާ ލިބިފައިވަނީ ގާނޫނު ހުއްދަކުރާ ގޮތުގެ މަތިންކަން ސާބިތުކޮށްނުދެވުން
އެ ގާނޫނުގެ 4 ވަނަ ނަންބަރުގެ ބަދަލުގައި (ށ) އަދި (ނ) އަދި (ރ) ހިމަނާފައިވެ އެވެ. އެ ގާނޫނުގެ (ށ) ގައި ބުނެފައިވަނީ ދައުލަތުގެ މުވައްޒަފެއްގެ ދިރިއުޅުމުގެ ފެންވަރު އޭނާ ގާއިމުކޮށް ހިފަހައްޓާފައިވަނީ ގާނޫނީގޮތުން ހުއްދަކޮށްފައިވާ ގޮތުގެމަތިން ކަމުގައިވާނަމަ އޭނާއަށް, އާއިލާއަށް, ޒާތީ, ވިޔަފާރީގެ ގުޅުމެއް އޮތް މީހަކަށް އެ މުދަލެއް ނުވަތަ ފައިސާ ލިބިފައިވަނީ ގާނޫނު ހުއްދަކުރާ ގޮތުގެ މަތިން ކަމުގައިވާނަމަ އެއީ ކުށެއް ނޫން ކަމަށެވެ. (ނ) ގައި ބުނެފައިވަނީ އެ ދައުވާ ލިބޭ މީހަކާ އާއިލީ, ޒާތީ, ވިޔަފާރީގެ ގުޅުމެއް އޮތް މީހެއްގެ ނަމުގައި މިލްކުކުރާ މުދާ ނުވަތަ ފައިސާ, އެމީހެއްގެ ނަމުގައި އެހުރީ ދައުވާ ލިބޭ މީހާގެ ބޭނުމަށްޓަކައި ނުވަތަ އޭނާއަށް މަންފާ ލިބިދެވޭގޮތަށް ކަމުގައި ނުވަތަ އޭނާގެ ބާރު ހިނގާގޮތަށް ކަމުގައި ކޯޓަށް ސާބިތުކޮށްދީފި ކަމުގައިވާނަމަ އެ މުދާ, ފައިސާއަކީ ދައުވާ ލިބޭ މީހާގެ ނަމުގައި ހުރި މުދަލެއް ނުވަތަ ފައިސާއެކޭ އެއްފަދައިން އެ މީހަކަށް ނިސްބަތްކުރެވޭނެ މުދަލެއް ނުވަތަ ފައިސާއެއް ކަމުގައިވާނެ އެވެ. (ރ) ގައި ހިމަނާފައިވަނީ 515 ވަން މާއްދާގައި ދަރަޖަކުރުމުގެ މާއްދާއަށް ބަދަލެއް ގެނައުމަކާ ނުލަ އެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.