Monday, 16 November 2026
Advertisement
Ooredoo — Article-Top (leaderboard)
ޚަބަރު

ލަކީ ޑްރޯއަކުން ސްކޮލާޝިޕް ހޯދުމުގެ ފުރުސަތު ހަޔާ އެޑިއުކޭޝަނުން ހުޅުވާލައިފި 

ލަކީ ޑްރޯއަކުން ސްކޮލާޝިޕް ހޯދުމުގެ ފުރުސަތު ހަޔާ އެޑިއުކޭޝަނުން ހުޅުވާލައިފި 
ލަކީ ޑްރޯއެއްގައި ބައިވެރިވެގެން ސްކޮލާޝިޕެއް ހޯދުމުގެ ފުރުސަތު ހަޔާ އެޑިއުކޭޝަން، ލޭބާ އެންޑް ސްކިލްސް ޑިވޮލޮޕްމެންޓް މިނިސްޓްރީން ހުޅުވާލައިފި އެވެ. ސަރުކާރުން ހިންގާ "ސަރުކާރު" ގައި މިއަދު ޝާއިއުކޮށްފައިވާ ހަބަރެއްގައި ބުނީ އެ ސްކޮލާޝިފަކީ "ދާލަން: ނޭޝަނަލް ސްކިލްސް އެންޑް ކެރިއާ އެކްސްޕޯ 2024" ގައި ބާއްވާ ލަކީޑްރޯ މެދުވެރިކޮށް ހަވާލުކުރާ ސްކޮލާޝިފެއް ކަމަށެވެ. މިނިސްޓްރީން ބުނީ އެ ފުރުސަތު ހުޅުވާލީ އެޑިޔުކޭޝަން މެލޭޝިޔާ ގްލޯބަލް ސާވިސެސްގެ އެއްބާރުލުމާއެކު ކަމަށާއި އެގޮތުން 5 ދާއިރާއަކުން ސްކޮލާޝިޕް ހާސިލުކުރުމުގެ ފުރުސަތު ލިބިގެންދާނެ ކަމަށެވެ. އަދި އެ 5 ފަރާތަކަށް ކިޔެވުމުގެ ފުރުސަތު ލިބިގެންދަނާީ މެލޭޝިޔާގެ ޒިއަމެން ޔުނިވާސިޓީން ކަމަށްވެސް މިނިސްޓްރީން ބުންޏެވެ.

5 ދާއިރާ:

  1. ބެޗްލާސް އިން ޖާނަލިޒަމް
  2. ބެޗްލާސް އިން އާޓިފިޝަލް އިންޓެލިޖެންސް
  3. ބެޗްލާސް އިން މެރިން ބަޔޯޓެކްނޮލޮޖީ
  4. ބެޗްލާސް އިން ޑިޖިޓަލް މީޑިޔާ ޓެކްނޮލޮޖީ
  5. ބެޗްލާސް އިން ސޮފްޓްވެއާ އިންޖީނިއަރިން
މިނިސްޓްރީން ބުނީ އެ ސްކޮލާޝިފްގައި ކޯހުގެ ޓިއުޝަން ފީގެ 100 އިންސައްތަ ހިމެނިފައިވީ ނަމަވެސް ހުރުމާއި ކެއުން ބުއިން ފަދަ އެހެނިހެން ހަރަދުތަކަށް ޒިންމާ ވާންޖެހޭނީ ދަރިވަރު އަމިއްލައަށް ކަމަށެވެ. އަދި ކިޔަވާ ކޯސް، ދާއިރާ ނުވަތަ ގައުމު ބަދަލުކުރުން ފަދަ އެއްވެސް ބަދަލެއް އެ ސްކޮލަޝިޕްގެ ދަށުން ނުގެނެވޭނެ ކަމަށް މިނިސްޓްރީން މައުލޫތުދެ އެވެ.

ލަކީ ޑްރޯއަށް ހުށަހަޅާ ފަރާތްތަކުގެ ޝަރުތުތައް:

  • އެ މިނިސްޓްރީގައި މަސައްކަތްކުރާ މީހަކަށް ނުވުން
  • ދިވެއްސަކަށްވުން
  • ސްކޮލާޝިފަށް ހޮވޭ ތާރީހުން ފެށިގެން 1 އަހަރު ތެރޭގައި ޒިއަމެން ޔުނިވާސިޓީން ޕްލޭސްމަންޓް ހޯދައި ކިޔަވަން ފަށާ ތާރީހުން ފެށިގެން 3 އަހަރު ތެރޭގައި ކޯސް ފުރިހަމަކުރުން
  • އެމްކިޔުއޭއިން ކަނޑައަޅާފައިވާ މިންގަނޑުތަކާއި އެއްގޮތަށް ކޯހުގައި ބައިވެރިވުމުގެ ފެންވަރު ހުރުން
  • ލަކީ ޑްރޯގައި ބައިވެރިވާ ކޮންމެ ފަރާތަކަށް ވެސް ލިބޭނީ އެއް ސްކޮލާޝިޕް ހާސިލުކުރުމުގެ ފުރުސަތު
މިނިސްޓްރީން ބުނީ މި މަހުގެ 15 އަދި 16 ގައި ބާއްވާ އެ އެކްސްޕޯ ނިންމުމުގެ ރަސްމިއްޔާތުގައި އެ ސްކޮލަޝިޕް ލިބޭ 5 ނަސީބުވެރިއެއްގެ ނަން އިއުލާނުކުރާނެ ކަމަށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.