Tuesday, 17 November 2026
Advertisement
MWSC — SmartMeter (leaderboard)
ޚަބަރު

ސްޕޯޓްސް ކާރުން ޖެހި މަރުވި މައްސަލައިގައި ދައުވާކޮށްފި

ސްޕޯޓްސް ކާރުން ޖެހި މަރުވި މައްސަލައިގައި ދައުވާކޮށްފި

މިދިޔަ ސެޕްޓެމްބަރު މަހު ހުޅުމާލޭ ސެންޓްރަލް ޕާކް ކައިރިން ބާރު ސްޕީޑުގައި ދުއްވާފައި ދިޔަ ސްޕޯޓްސް ކާރަކާއި ސައިކަލެއް ޖެހި ހިނގި އެކްސިޑެންޓުގައި މީހަކު މަރުވި ހާދިސާގައި ކާރު ދުއްވަން އިން މީހާގެ މައްޗަށް ދައުވާ ކޮށްދިނުމަށް އެދި ޕްރޮސެކިއުޓާ ޖެނެރަލް އޮފީސް (ޕީޖީ) އޮފީހުން ކްރިމިނަލް ކޯޓަށް ހުށަހަޅައިފި އެވެ.

އެ މައްސަލައިގައި ދައުވާކޮށްފައި ވަނީ އައްޑޫ ސިޓީ ހިތަދޫ ވައިލެޓްފެހި، މުހައްމަދު ވިސާމް ސިއްދީގު (26އ)ގެ މައްޗަށެވެ.

ހުޅުމާލެ އެކްސިޑެންޓުގައި މަރުވީ މޯލްޑިވްސް ކަރެކްޝަނަލް ސާވީސްގެ އޮފިސަރެއްގެ ގޮތުގައި މަސައްކަތްކުރަމުން ދިޔަ ލ. އިސްދޫ ބީޗްހައުސް، ހަސަން ސަމާހް (23އ) އެވެ. އެ އެކްސިޑެންޓް ހިނގީ ސެޕްޓެމްބަރު މަހުގެ 6 ވަނަ ދުވަހުގެރޭ މެންދަމު 2:48 ހާއިރު އެވެ. ސަމާހު ހުޅުމާލޭ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ފުލުހުން ވަނީ މައުލޫމާތުދީފަ އެވެ.

Advertisement
Ooredoo — Truecaller (box)

ޕްރޮސިކިއުޓާ ޖެނެރަލް އޮފީހުން މިއަދު ބުނީ ވިސާމުގެ މައްޗަށް ދައުވާކުރީ މިދިޔަ މަހުގެ 31 ވަނަ ދުވަހު ކަމަށެވެ.

އެ މައްސަލައިގައި ޕީޖީން ވިސާމުގެ މައްޗަށް ކޮށްފައިވަނީ ގާނޫނުލް އުގޫބާތުގެ 111 ވަނަ މާއްދާގެ (ހ) އާ ހަވާލާދީ، އެ މާއްދާގެ (ނ) ގެ ދަށުން، މީހަކު މަރުވެދިއުމުގެ ފަރުވާކުޑަ އަމަލެއް ކުރުމުގެ ކުށުގެ ދަޢުވާ އެވެ.

އެ ދައުވާ ސާބިތުވެއްޖެ ނަމަ އޭނާގެ މައްޗަށް ކަނޑައެޅޭނެ އަދަބަކީ 6 އަހަރަށް ޖަލަށްލުން ކަމަށް ވެސް ބުނެފައިވެ އެވެ.

ވިސާމް މިހާރު ހުރީ ޝަރީއަތް ނިމެންދެން ބަންދުކޮށްފަ އެވެ.

ފުލުހުން ބުނެފައިވާ ގޮތުން ވިސާމް އަކީ ކާރު ދުއްވުމުގެ ލައިސެންސްވެސް ނެތް މީހެކެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.