Tuesday, 17 November 2026
Advertisement
Ooredoo — Airfibre (leaderboard)
އިޖުތިމާޢީ

އެމެރިކާގެ އެއާފޯސް އެކެޑަމީން ގިނަ އަދަދެއްގެ ސްކޮލަޝިޕްތަކެއް ރާއްޖެއަށް ހުޅުވާލައިފި

އެމެރިކާގެ އެއާފޯސް އެކެޑަމީން ގިނަ އަދަދެއްގެ ސްކޮލަޝިޕްތަކެއް ރާއްޖެއަށް ހުޅުވާލައިފި

އެމެރިކާގެ އެއާފޯސް އެކެޑަމީން ގިނަ އަދަދެއްގެ ސްކޮލަޝިޕްތަކެއް ރާއްޖެއަށް ހުޅުވާލައިފި އެވެ.

ޑިފެންސް މިނިސްޓްރީން މިއަދު ކުރި އިއުލާނެއްގައި ބުނީ އެމެރިކާގެ އެއާފޯސް އެކެޑަމީން 24 ސްކޮލަޝިޕްގެ ފުރުސަތު ރާއްޖެއަށް ދީފައިވާ ކަމަށެވެ. އެއީ ބެޗެލާސް ޑިގްރީގެ ކޯސްތަކެކެވެ.

އޭގެ ތެރޭގައި އޮރޮނޮޓިކަލް، މެކޭނިކަލް ފަދަ އިންޖިނިއަރިންގެ ދާއިރާތަކާއި މެތަމެޓިކްސް، ބައިލޮޖީ އަދި ފިލޯސަފީ އާއި ލީގަލް ދާއިރާތަކުގެ ކޯސްތައް ހިމެނެ އެވެ.

Advertisement
Ooredoo — Truecaller (box)

އަދި އޯޝަނަގްރޮފީ، ނެވެލް އާކިޓެކްޗާ، ޕޮލިޓިކަލް ސައިންސް އަދި ފިޒިކްސްގެ ދާއިރާތައް ވެސް ހިމެނެ އެވެ.

އެ ކޯސްތަކަށް ކުރިމަތިލުމުގެ ޝަރުތުތަކުގެ ތެރޭގައި އަންނަ އަހަރުގެ ޖުލައި އެއް ވަނަ ދުވަހުގެ ކުރިން އުމުރުން 23 އަހަރު ނުފުރޭ، ޒަވާޖީ ހަޔާތެއް ފަށާފައިނުވާ ފަރާތެއް ކަމުގައިވުން ހިމެނެ އެވެ.

އަދި އޭ ލެވަލް ފުރިހަމަކޮށް ރަނގަޅު ނަތީޖާ ހާސިލުކޮށްފައިވާ ދަރިވަރުންނަށް އިސްކަންދޭނެ ކަމަށް ވެސް ބުނެފައިވެ އެވެ.

އޭގެ އިތުރުން ހަށިހެޔޮކަމުގެ އިމްތިހާނުން ފާސްވެފައިވާ އަދި ނަފުސާނީ ގޮތުންނާއި ޖިސްމާނީގޮތުން ދުޅަހެޔޮ ފަރާތެއް ކަމުގައި ވެސް ވާން ޖެހޭނެ އެވެ

އެ ކޯސްތަކަށް ކުރިމަތިލުމުގެ ފުރުސަތު މި މަހުގެ 20 ވަނަ ދުވަހާ ހަމައަށް ވަނީ ހުޅުވާލާފަ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.