ބޯކޮށް ވާރޭވެހި މާލޭ މަގުތަކުގައި ފެން ބޮޑުވެއްޖެ

ބޯކޮށް ވާރޭވެހި ވެރިރަށް، މާލޭގައި ވަރަށް ބޮޑަށް ފެންބޮޑުވެއްޖެ އެވެ.

Ads by STELCO

ރޭ ފަތިހު ބޯކޮށް ވާރޭ ވެހެން ފެށިއިރު، މާލޭގެ އެކި ސަރަހައްދުތަކުގައި ހިނގާ ބިނގާވެ އުޅެން ދަތިވާ ވަރަށް މިހާރު ވަނީ ފެންބޮޑުވެފަ އެވެ.

މޫސުމާ ބެހޭ ގައުމީ އިދާރާ (މެޓް) އޮފީހުން ވަނީ ބ އަތޮޅުން ފެށިގެން ވ އަތޮޅަށް ޔެލޯ އެލާޓް ނެރެފަ އެވެ. އެގޮތުން އެ އެލާޓް ނެރެފައިވަނީ މިއަދު ހެނދުނު 8:50 އިން މެންދުރުފަހު 1 ޖެހުމުގެ ނިޔަލަށެވެ.

އެ އެލާޓް ނެރެފައިވަނީ ބޯކޮށް ވާރޭވެހި ގުގުރުން އަދި ވިލާގަނޑުގައި ގަޑިއަކު 45 މޭލަށް ވައި ގަދަވެ ކަނޑުތަށް ގަދަވާނެ ކަމަށް ލަފާކޮށެވެ.

މާލޭގައި ފެން ބޮޑުވެފައިވާ މަގުތަކުގައި ފެން ހިންދުމުގެ މަސައްކަތުގައި އެމްއެންޑީއެފްއިން ހަރަކާތްތެރިވާން ފަށާފައިވެ އެވެ.