Sunday, 15 November 2026
Advertisement
Ooredoo — Article-Top (leaderboard)
ޚަބަރު

ޕާޓީ ބަދަލުކޮށްފިނަމަ އިސްތިއުފާ ދޭންޖެހޭ ގާނޫނުގެ މާއްދާތަކެއް ބާތިލްކުރަން ހައި ކޯޓަށް ހުށަހަޅައިފި

ޕާޓީ ބަދަލުކޮށްފިނަމަ އިސްތިއުފާ ދޭންޖެހޭ ގާނޫނުގެ މާއްދާތަކެއް ބާތިލްކުރަން ހައި ކޯޓަށް ހުށަހަޅައިފި

ސިޔާސީ ޕާޓީ ބަދަލުކޮށްފިނަމަ އިސްތިއުފާ ދޭންޖެހޭ ކަމަށް ބަޔާންކޮށްފައިވާ އެންޓި ޑިފެކްޝަން ގާނޫނުގެ މާއްދާތަކެއް ބާތިލްކުރަން ހައި ކޯޓަށް ހުށަހަޅައިފި އެވެ.

ހައިކޯޓަށް ދުސްތޫރީ މައްސަލަ ހުށަހެޅީ މުހައްމަދު އަނީސް ނަމަކަށް ކިޔާ މީހެކެވެ. ހައިކޯޓުގެ އިންފޮމޭޝަން އޮފިސަރު އަމީން ފައިސަލް ވަނީ "ދެން" އަށް އެކަން ޔަގީންކޮށްދީފަ އެވެ. އެ މައްސަލަ ބަލައިގަތުމާ ގުޅޭ ގޮތުން ވަކި ގޮތެއް ނުނިންމާ ކަމަށް އަމީން ވިދާޅުވި އެވެ.

އެ މައްސަލަ ކޯޓަށް ހުށަހެޅި މީހާގެ ފަރާތުން އެދިފައިވަނީ އެ ގާނޫނުގެ ކޮން މާއްދާތަކެއް ބާތިލުކުރުމަށް ކަމަށް ހައިކޯޓުގެ ވެބްސައިޓުން ސާފެއްނުވެ އެވެ.

Advertisement
Allied Insurance — Square (box)

އެ ގާނޫނު ބުނާ ގޮތުން ވަކި ސިޔާސީ ޕާޓީއެއްގެ ޓިކެޓްގައި ވާދަކޮށްގެން ރައްޔިތުންގެ މަޖިލީހަށާއި ސިޓީ ކައުންސިލްތަކަށާއި އަތޮޅު ކައުންސިލްތަކަށާއި ރަށު ކައުންސިލްތަކަށާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް އިންތިހާބުވުމަށްފަހު ދައުރުގެ ތެރޭގައި ޕާޓީން ވަކިކޮށްފިނަމަ ނުވަތަ ވަކިވެއްޖެނަމަ 7 ދުވަސް ތެރޭގައި އިސްތިއުފާ ދޭން ޖެހޭނެ އެވެ.

އެ ގާނޫނުގެ މަގްސަދުތަކުގެ ތެރޭގައި މަޖިލީހުގެ މެންބަރުންނާއި، ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމަށް ގާއިމުކޮށްފައިވާ ސިޓީ ކައުންސިލްތަކަށާއި، އަތޮޅު ކައުންސިލްތަކަށާއި، ރަށު ކައުންސިލްތަކަށާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް ރައްޔިތުން އިންތިހާބުކުރާ މެންބަރުން އެ އިންތިހާބުކުރެވޭ ދައުރުގެ ތެރޭގައި އެ އިންތިހާބުކުރި ސިޔާސީ ފިކުރުގައި ދެމިތިބޭ ބައެއްކަން ކަށަވަރުކުރުމާއެކު، ރައްޔިތުން އިންތިހާބުކުރާ މަގާމުތަކުގައި ތިބޭ މީހުންނަކީ ތަފާތު ސިޔާސީ އަދި މާލީ ނުފޫޒުން އެއްކިބާވެފައިވާ އަދި، އާންމު ރައްޔިތުންގެ މެދުގައި އިތުބާރާއި ޔަގީންކަން ލިބިގެންވާ ބައެއް ކަމަށް ހެދުން ހިމެނެ އެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.