ގާނޫނުއަސާސީއަށް އިސްލާހު ގެނައުމަކީ އިއާދަނުކުރެވޭ ވަރުގެ ބޮޑެތި ގެއްލުންތަކެއް ލިބޭނެ ކަމެއް: ގަޕޯ
ގާނޫނު އަސާސީއަށް އިސްލާހު ގެނައުމަކީ ރާއްޖެއަށް އިއާދަނުކުރެވޭވަރުގެ ބޮޑެތި ގެއްލުންތަކެއް ލިބޭނެ ކަމެއް ކަމަށް ވިދާޅުވެ ރައްޔިތުންގެ މަޖިލީހުގެ ހަނިމާދޫ ދާއިރާގެ އެމްޑީޕީ މެންބަރު އަބްދުލްގަފޫރު މޫސާ (ގަޕޯ) މިއަދު ކަންބޮޑުވުން ފާޅުކޮށްފި އެވެ.
ގަޕޯ ކަންބޮޑުވުން ފާޅުކުރީ، ސަރުކާރުގެ ފަރާތުން ހުޅުދޫ ދާއިރާގެ ޕީއެންސީ މެންބަރު މުހައްމަދު ޝާހިދު (ޝާާޑު) ގާނޫނު އަސާސީއަށް ހުށަހަޅަފައިވާ އިސްލާހު ގެނައުމުގެ ބިލުގެ މުޅި މަޖިލީހުގެ ކޮމިޓީގެ ބަހުސްގަ އެވެ.
ގާނޫނު އަސާސީއަށް އިސްލާހު ގެނައުމުގެ ބިލާ ދެކޮޅު ހައްދަވައި މަޖިލީހުގައި ހަނިމާދޫ ދާއިރާގެ މެންބަރުކަމުގެ 5 ވަނަ ދައުރު ފުރުއްވަމުން ގެންދަވާ ގަޕޯ ވިދާޅުވީ އެއީ ނުރައްކާތެރި ކަމެއް ކަމަށެވެ. ގަޕޯ ދެކިވަޑައިގަންނަވާ ގޮތުގައި ގާނޫނު އަސާސީއަށް ބަދަލު ގެންނަން ޖެހޭ ސަބަބެއް ނެތެވެ. މެންބަރު ވިދާޅުވީ ގާނޫނަށް އިސްލާހު ގެނައުން ބަލައިނުގަނެވޭ ކަމަށެވެ.
"ކުރިއަށް އޮތްތަނުގައި ގާނޫނު އަސާސީ ބޮޑުތަނުން ބަދަލުކުރާނެކަން ފެނިގެން އެދަނީ. އަދި އޭގެ އިތުރަށް މި ބަދަލުކުރެވޭ ބަދަލުކުރުމަކީ، މީގެ ސަބަބުން ރާއްޖެއަށް އިއާދަނުކުރެވޭނެ ބޮޑެތި ގެއްލުންވާނެ ބަދަލުކުރުމަކަށް ވެގެންދާނެ،" ގަޕޯ ވިދާޅުވި އެވެ.
އޭނާ ތުހުމަތުކުރެއްވި ގޮތުގައި ގާނޫނު އަސާސީ އިސްލާހު ކުރަން އުޅެނީ ސަރުކާރުގެ ބާރާއި ނުފޫޒު އޮތްކަން ދެއްކުމުގެ ބޭނުމުގަ އެވެ. އަދި ރައްޔިތުންނަށް ބިރު ދެއްކުމަށް ކަމަށް ވިދާޅުވި އެވެ.
މަޖިލީހުގެ އެންމެ ސީނިއާ މެންބަރުންގެ ތެރޭގައި ހިމެނިވަޑައިގަންނަވާ ގަޕޯ ވިދާޅުވީ ރާއްޖެއަކީ، މިނިވަން ގައުމަކަށްވާއިރު ގާނޫނުތައްވެސް ހެދިފައި ވަނީ މިނިވަންކަމާއެކު ރައްޔިތުން އެއަށް އަމަލުކުރެވޭ ގޮތަށް ކަމަށެވެ. ސަރުކާރުގެ ސުޕާ މެޖޯރިޓީއޮއްވާ، ގާނޫނަށް އިސްލާހު ގެންނަންޖެހޭ ހާލަތެއް ނެތް ކަމަށް ތަކުރާރުކޮށް ވިދާޅުވި އެވެ.
މުޅި މަޖިލިސް ކޮމިޓީގައި މިހާރު ބަހުސް ކުރަމުންދާ ބިލުގައި ގާނޫނު އަސާސީއަށް މައިގަނޑު 4 ކަމެއްގެ އިސްލާހު ހުށަހަޅާފައިވެ އެވެ. އޭގެ ތެރޭގައި، ތަރައްގީ ޕްލޭންގެ ބާރު ރައީސަށް ދިނުމާއި، ރާއްޖޭގެ ކަނޑުގެ ސަރަހަދުތަކަށް ބަދަލު ގެނައުން މަޖިލީހުގެ އަގުލަބިއްޔަތު ހޯދަން ޖެހޭ ގޮތަށާއި މަޖިލިސް މެމްބަރުން އިންތިހާބުވި ހައިސިއްޔަތު ބަދަލުވުމުން ގޮނޑި ގެއްލޭ ގޮތަށް ގާނޫނު އިސްލާހު ކުރުން ހިމެނެ އެވެ. އެ ބިލުގެ މަސައްކަތް މިއަދުން މިއަދަށް ނިންމާލަން އަމާޒުހިފާފައިވެ އެވެ.
ބިލު ތިއޮތްގޮތަށް ގުނބޯހެދިގެން ފާސްކޮށްފިނަމަ ރާއްޖެ ތިޔަ ދުއްވާލެވެނީ 1960 އަހަރު ތަކުގެ ތެރެއަށެވެ
މިހާރުވެސް އެ އޮންނަ ގޮތުން ސަރުކާރަކަށް ތާއީދު ކުރާ މެންބަރުން ތިބުމަކީ 80 ގެ އަހަރުތަކުގައި ރައީސްގެ 8 މެންބަރުން ތިބުމަށްވުރެވެސް ގޯސްކަމެއް ކަން ނޭގޭ ކޮހުން މިގައުމުގެ އުޅޭކަމީ ބޯހަލާކުވާވަރުގެ ކަމެއް.
ކޮއްމެ ބަޔަކަށްވެސް އޯކޭ ސަރުކާރެއް އޮންނައިރު ހުރިހާ މެންބަރުންނަކީ ތިމަންނަގެ ޕާޓީގެ މެންބަރުންނަށްވިއަސް. ޢޭތި ކަޑަދޯ.