Tuesday, 17 November 2026
Advertisement
HDC — Share-Below (leaderboard)
އިޖުތިމާޢީ

ވައްކަމުގެ މައްސަލަތައް އިތުުރުވަނީ، މިދިޔަ މަހު 310 މައްސަލަ

ވައްކަމުގެ މައްސަލަތައް އިތުުރުވަނީ، މިދިޔަ މަހު 310 މައްސަލަ
ފުލުހުންނަށް މިދިޔަ މަހު ހުށަހެޅި މަައްސަލަތަކުގެ ތެރެއިން އެންމެ ގިނައީ ވައްކަމުގެ މައްސަލަތައް ކަމަށް އެ އިދާރާގެ ތަފާސް ހިސާބުތަކުން ދައްކައިފި އެވެ. ފުލުހުން އާންމުކުރި ތަފާސް ހިސާބުތައް ދައްކާ ގޮތުން މިދިޔަ މަހު 989 މައްސަލައެއް ހުށަހެޅި އެވެ. އޭގެ ތެރޭގައި އެންމެ ގިނައީ ވައްކަމުގެ މައްސަލަތަކެވެ. އެއީ 310 މައްސަލަ އެވެ. އޮކްޓޫބަރު މަހު 303 އަދި ސެޕްޓެމްބަރު މަހު 297 މައްސަލަ އެ އިދާރާއަށް ހުށަހަޅާފައިވެ އެވެ. ދެން އެންމެ ގިނައިން ހުށަހަޅާފައި ވަނީ ޓްރެފިކް އެކްސިޑެންޓުތަކުގެ މައްސަލަތަކެވެ. އެގޮތުން 236 މައްސަލަ ރިޕޯޓުކޮށްފައިވެ އެވެ. ތިން ވަނައަށް އެންމެ ގިނައީ މަސްތުވާތަކެތީގެ މައްސަލަތަކެވެ. އެ ބާވަތުގެ 130 މައްސަލައެއް ވަނީ ހުށަހަޅާފަ އެވެ.

ފުލުހުންނަށް ހުށަހެޅި އިތުރު މައްސަލަތަކުގެ ތެރޭގައި:

  • ތަކެތި ގެއްލިގެން 67 މައްސަލަ
  • މާރާމާރީގެ 63 މައްސަލަ
  • ނަހަމަ ގޮތުގައި ފައިސާ ހޯދުމުގެ 51 މައްސަލަ
  • މުދަލަށް ގެއްލުން ދިނުމުގެ 46 މައްސަލަ
  • ފޭރުމުގެ 32 މައްސަލަ
  • ޖިންސީ ގޯނާގެ 24 މައްސަލަ
  • ގެވެށި އަނިޔާގެ 18 މައްސަލަ
  • ފޯޖް ކުރުމުގެ 11 މައްސަލަ
އެންމެ ގިނައިން ހުށަހެޅި މައްސަލަތަކުގެ ތެރޭގައި ވައްކަމުގެ މައްސަލަތައް ހިމެނޭއިރު، މީގެކުރިން ފުލުހުން ބުނެފައިވާ ގޮތުގައި ވައްކަން ކުރާ އޮގަނައިޒް ގޭންގެއް މާލޭގައި ދަނީ ހަރަކާތްތެރިވަމުންނެވެ. އެ ގޭންގުގައި ހިމެެނެނީ ކުރީ ސަރުކާރުން ޖަލުން ދޫކޮށްލި މީހުން ކަމަށް ވެސް ބުނެފައިވެ އެވެ. ވަގަށް ނަގާ ތަކެތި ނުއަގުގައި ވިއްކާ މައްސަލައަކީ ވެސް ބޮޑުވެފައިވާ މައްސަލައެކެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.