Tuesday, 17 November 2026
Advertisement
HDC — Share-Below (leaderboard)
ޚަބަރު

މުޒާހަރާކުރި އިތުރު ޑްރައިވަރަކު ހައްޔަރުކޮށްފި

މުޒާހަރާކުރި އިތުރު ޑްރައިވަރަކު ހައްޔަރުކޮށްފި

ސަރުކާރުން ޓެކްސީ ފްލީޓެއް ތައާރަފްކުރުމަށް ނިންމާފައިވާތީ އެކަމާ ދެކޮޅަށް ކަންބޮޑުވުން ފާޅުކޮށް މުޒާހަރާ ކުރި އިތުރު ޓެކްސީ ޑްރައިވަރަކު ހައްޔަރުކޮށްފި އެވެ.

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ އެ މައްސަލާގައި ކޯޓު އަމުރެއްގެ ދަށުން އިއްޔެ ހައްޔަރުކޮށްފައިވަނީ މާލެ ސިޓީ, މއ. ނަހީދީމަންޒިލް, މިސްބާހު ޝަރީފް (31އ) ކަމަށެވެ.

ޑްރައިވާސް އެސޯސިއޭޝަންގެ އިންތިޒާމް ސެކްރެޓަރީ މިސްބާހު ހައްޔަރުކޮށްފައިވަނީ އާންމު ދަތުރުފަތުރަށް ހުރަސް އަޅައި މަގު ބްލޮކްކޮށް ފުލުހުންގެ ދައުރު އަދާކުރުމަށް ހުރަސް އެޅިކަމުގެ ތުހުމަތުގައި ކަމަށް ފުލުހުންގެ މެސެޖުގައި ބުންޏެވެ.

Advertisement
HDC — Sidebar (box)

މިދިޔަ ބުދަ ދުވަހުގެ ރޭ ޓެކްސީ ޑްރައިވަރުން ކުރިއަށް ގެންދިޔަ މުޒާހަރާގެ ތެރެއިން 3 ޑްރައިވަރަކު ހައްޔަރުކުރި އެވެ. އެ މީހުންނަކީ މއ. ވިރާހު، މުހައްމަދު ޝާމިން (39އ) އާއި ލ.ދަނބިދޫ, ސަންރޭ އަހުމަދު ޝަބީން (33އ) ގެ އިތުރުން ހދ. ކުމުންދޫ، ހޮލިޑޭވިލެޖް، ނުއޫމާން އަހުމަދު(36އ) އެވެ.

އެ މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ޝާމިންއާއި ޝަބީންގެ 5 ދުވަހަށް ބަންދުކުރަން އަމުރުކޮށްފައިވާއިރު ޝަރުތުތަކާއެކު ނުއުމާން ދޫކޮށްލާފައިވެ އެވެ.

ޓެކްސީ ޑްރައިވަރުން ކުރި މުޒާހަރާގައި 4 ފުރޮޅުލީ 22 އުޅަނދެއް ޓޯކޮށްފައިވާ ކަމަށް ފުލުހުން ބުންޏެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.