މިދިޔަ މަހު އަރިދަފުސް ރޯގާ ޖެހުނު މީހުން އަދަދު 40،000 އިން މަތީގައި
މިދިޔަ ނޮވެމްބަރު މަހު އަރިދަފުސް ރޯގާ ޖެހިގެން ރިޕޯޓުކުރި މީހުންގެ އަދަދު ވަރަށް ބޮޑަށް އިތުރުވެއްްޖެ އެވެ.
އެޗްޕީއޭއިން މިއަދު އާންމުކުރި ތަފާސް ހިސާބުތަކުން ދައްކާ ގޮތުން އޮކްޓޫބަރު މަހު 29،515 މީހަކަށް އަރިދަފުސް ރޯގާ ޖެހިގެން ރިޕޯޓުކުރިއިރު މިދިޔަ މަހު އެ ރޯގާ ޖެހުނު މީހުން އަދަދު އުޅެނީ 40،504 ގައި އެވެ.
އެހެންކަަމުން ކޮވިޑު އަދި އިންފުލުއެންޒާ ފަދަ ރޯގާތަކުން ރައްކާތެރިވުމަށް ފިޔަވަޅު އެޅުން މުހިންމުކަމަށް ވެސް އެޗްޕީއޭއިން ބުންޏެވެ.
ނޮވެމްބަރު މަހު ޑެންގީ ޖެހުނު މީހުންގެ އަދަދުވެސް ވަނީ އިތުރުވެފަ އެވެ. އޮކްޓޫބަރު މަހު 126 މީހަކަށް ޑެންގީ ޖެހުނު އިރު މިދިޔަ މަހު އެ ބަލި 140 މީހަކަށް ޖެހުނެވެ. އޮކްޓޫބަރު މަހާ އަޅާބަލާއިރު ނޮވެމްބަރު މަހު ބޭރަށް ހިންގި މީހުންގެ އަދަދުވެސް ވަނީ އިތުރުވެފަ އެވެ.
އެގޮތުން އޮކްޓޫބަރު މަހު 3164 މީހަކަށް ޑެންގީ ޖެހުނު އިރު މިދިޔަ މަހު 3635 މީހަކު ބޭރަށް ހިންގި އެވެ.
މިއަހަރުގެ އޮކްޓޫބަރު މަހާ އަޅާބަލާއިރު ނޮވެންބަރު މަހު އިންފްލުއެންޒާގެ އަލާމާތްތައް ހުރެގެން ޓެސްޓް ކުރެވުނު އަދަދު ވެސް އިތުރުވެފަ އެވެ.
އެގޮތުން މިދިޔަ މަހު 164 މީހަކު އިންފުލުއެންޒާއަށް ޓެސްޓުކުރި އިރު 42 މީހަކު ޕޮޒިޓިވްވި އެވެ.
