ޕެރެސެޓަމޯލް ބޭނުންކޮށްގެން އިސްތަށިގަނޑު ދޮންނަންވީ މިސަބަބަށްޓަކައި!
ޕެރެސެޓަމޯލް ނުވަތަ އެސްޕިރިންއަކީ ހަށިގަނޑުގެ އެކި ތަންތަނުގައި ރިއްސާތީ މީހުން ކައި އުޅޭ ބޭހެކެވެ. އަޅުގަނޑުމެންގެ މި ދިވެހިރާއްޖޭގައި ވެސް ބޮލެއްގައި ރިއްސާލިޔަސް ޕެރެސެޓަމޯލް ކާ މީހުން މަދެއް ނޫނެވެ. ޕެރެސެޓަމޯލަކީ ހަމައެކަނި ތަދު ކަނޑުވަން ބޭނުން ކުރާ އެއްޗެއް ނޫނެވެ. އެއީ އިސްތަށިގަނޑަށް ވެސް ގިނަގުނަ ފައިދާތަކެއް ލިއްބައިދޭ އެއްޗެކެވެ.
އިސްތަށިގަނޑު ދޮވުމަށްޓަކައި އަގުބޮޑެތި ޝޭމްޕޫ ތަކާާއި ކޮންޑިޝަނަރ ގިނަ މީހުން ގަނެ އުޅެއެވެ. އެހެން ނަމަވެސް ގިނަ ފައިސާތަކެއް ހަރަދު ކުރުމުގެ ބަދަލުގައި ގެއިން ލިބެން ހުންނަ އެއްޗެހި ވެސް އިސްތަށިގަނޑު ދޮވުމަށްޓަކައި އަދި ވަރުގަދަ ކުރުމަށްޓަކައި ބޭނުން ކުރެވިދާނެއެވެ. އެގޮތުން ޕެރެސެޓަމޯލަކީ އޭގެ ތެރޭގައި ހިމެނޭ ބޭހެކެވެ.
ހަންފޮޅުން
ޕެރެސެޓަމޯލަކީ ބޮލުން ހަންފޮޅުން ހުއްޓުވުމަށް އެހީތެރިވެދޭ ބޭހެކެވެ. އެގޮތުން، ގެންގުޅޭ އާދައިގެ ޝޭމްޕޫ ފުޅި ތެރެއަށް ޕެރެސެޓަމޯލް ދެ ގުޅަ ފުނޑުކޮށްލުމަށްފަހު އަޅާލާށެވެ. އަދި މި ޝޭމްޕޫ ބޭނުން ކޮށްގެން އިސްތަށިގަނޑު ދޮންނަމުން ގެންދާށެވެ. އަދި ޝޭމްޕޫ ލައިގެން ކުޑައިރުކޮޅެއް ވަންދެން މަޑުކުރުމަށްފަހު އިސްތަށިގަނޑު ދޮންނާނީ ތާފަނާ ފެނުންނެވެ.
އިސްތަށިގަނޑުގެ ކުލަ ރަނގަޅު ކުރުން
މާ ގިނައިރު އަވީގައި އުޅުމުން ބައެއް ފަހަރަށް އިސްތަށިގަނޑުގެ ކުލަ ލަކުޑި ކުލައަކަށް ބަދަލުވެއެވެ. އަދި ބައެއް މީހުން މިކަމާމެދު ވަރަށް ބޮޑަށް ކަންބޮޑުވެއެވެ. އެކަމަކު އެއީ ހާސްވާން ޖެހޭ ވަރުގެ ކަމެއް ނޫނެވެ. ސަބަބަކީ އިސްތަށިގަނޑުގެ ކުލަ ޕެރެސެޓަމޯލް ބޭނުން ކޮށްގެން އިހު ހުރި ގޮތަށް ބަދަލު ކުރެވޭނެތީއެވެ. އެގޮތުން، ޕެެރެސެޓަމޯލް 8 ގުޅަ ފެން ތަށްޓަކަށް ލުމަށްފަހު ރަނގަޅަށް ގިރާލާށެވެ. އަދި އެފެން ބޭނުން ކޮށްގެން އިސްތަށިގަނޑު ބޮނޑިތާން ކުރާށެވެ. އަދި އެއަށްފަހު 10 މިނެޓު މަޑުކުރުމަށްފަހު އިސްތަށިގަނޑު ރަނގަޅަށް ދޮވެލާށެވެ.
