ރުށް ގަަހަށް ދިމާވަމުންދާ ފަނިފަކްސާ ކޮންޓްރޯލް ކުރަން ޗައިނާގެ މާހިރުންނާއެކު މަޝްވަރާކޮށްފި
ރާއްޖޭގެ ރުށް ގަހަށް ދިމާވަމުންދާ ފަނިފަކްސާ ކޮންޓްރޯލްކުރުމަށް ޗައިނާގެ މާހިރުންނާއެކު މަޝްވަރާކޮށްފި އެވެ.
އިއްޔެ އެގްރިކަލްޗާ މިނިސްޓްރީގައި އެ މަޝްވަރާތައް ކުރިއަށް ދިޔައީ ރާއްޖެ މިހާރު ވަޑައިގެން އުޅުއްވާ ޗައިނީޒް އެކެޑަމީ އޮފް ޓްރޮޕިކަލް އެގްރިކަލްޗަރަލް ސައިންސަސް (ކަޓާސް) ގެ "އެންވަޔަރަންމަންޓް އެންޑް ޕްލާންޓް ޕްރޮޓެކްޝަން ރިސަރޗް އިންސްޓިޓިއުޓް"ގެ ތަޖުރިބާކާރުންގެ ވަފުދާއެކު އެވެ.
އެގްރިކަލްޗާ މިނިސްޓްރީން ބުނީ އެ ބައްދަލުވުމުގައި "މޯލްޑިވްސް ކޮކަނަޓް ޓްރީ ޕެސްޓް މެނޭޖްމަންޓް އެސިސްޓަންސް ޕްރޮޖެކްޓް" ގެ ތަންފީޒީ ތަފްސީލުތަކާ ބެހޭގޮތުން ފުޅާ ދާއިރާއެއްގައި މަޝްވަރާކުރި ކަމަށެވެ.
އެ މަޝްރޫއު އަކީ ރާއްޖޭގައި ރުއްތަކަށް ދިމަވެފައިވާ (ކޮކަނަޓް ހިސްޕައިން ބީޓަލް) ނުވަތަ ރުކުމަޑި މެނޭޖްކުރުމަށް އެޅޭ މުހިންމު އަދި އިސްތިރާތީޖީ ފިޔަވަޅެއް ކަމަށްވެސް މިނިސްޓްރީން ބުންޏެވެ.
ރުއްގަހަށް ދިމާވަމުން އަންނަ ބައެއް އެހެނިހެން ބޮޑެތި މައްސަލަތައްވެސް ތަހުލީލު ކުރުމަށް ބައްދަލުވުމުގައި މަޝްވަރާކުރި އެވެ.
ފަހަކަށް އައިސް ރާއްޖޭގައި ރުއްތަކާއި ކަނޑޫފާތުގައި ހުންނަ ގަސްތަކަށް ވެސް ފަނި ފަކުސާގެ މައްސަލަތައް ކުރިމަތިވުން ވަނީ އިތުރުވެފަ އެވެ.
އެކަމާ ގުޅިގެން ނިމިގެން ދިޔަ ސަރުކާރުގައި އިންޑިއާގެ ފަންނީ ބޭފުޅުންގެ އެހީ ވެސް ހޯދައިފައިވެ އެވެ.
