ޗައިނާގެ ވިސާ ފްރީ ޕްރޮގްރާމަށް ފަތުރުވެރިން ޝައުޤުވެރިކަން ކުޑަ
ޗައިނާއިން ފަތުރުވެރިކަން އިތުރުކުރުމަށް ފަށާފައިވާ ވިސާ ފްރީ ޕްރޮގްރާމަށް ބޭރުގެ ފަތުރުވެރިން އެކަށީގެންވާ ވަރަށް އިޖާބަ ނުދޭކަމަށް ފާހަގަކުރެވިއްޖެ އެވެ.
މިދިޔަ ހަފްތާގައި ޗައިނާއިން ވަނީ ފްރާންސް، ޖަރުމަނު، އިޓަލީ، ނެދަލޭންޑްސް، ސްޕެއިން އަދި މެލޭޝިއާ ހިމެނޭ ގޮތަށް 6 ގައުމަކަށް ވިސާ ފްރީކޮށް އެތެރެވުމުގެ ފުރުސަތު ހުޅުވާލާފަ އެވެ.
ނަމަވެސް، މި ޕްރޮގްރާމްގެ ދަށުން ޗައިނާއަށް ދަތުރުކުރުމަށް ގިނަ ފަތުރުވެރިން ފަސްޖެހޭ ސަބަބަކަށްވެފައިވަނީ ޗައިނާގެ ސިޔާސީ މާހައުލާއި، އިންސާނީ ހައްގުތަކާ ގުޅޭ ކަންބޮޑުވުންތައް ހިމެނުން ކަމަށް ނޫސްތަކުގައި ރިޕޯޓްކޮށްފައި ވެއެވެ. އަދި ކޯވިޑް-19 ގެ ސަބަބުން ޗައިނާއިން ގެންގުޅުނު ހަރުކަށި ފިޔަވަޅުތަކުގެ ސަބަބުން ވެސް ބައެއް ފަތުރުވެރިން ޗައިނާއަށް ދަތުރުކުރުމަށް ޝައުގުވެރިކަން ކުޑަކަމަށް ފާހަގަކުރެވިފައިވާކަމަށްވެސް ނޫސްތަކުގައި ވެއެވެ.
ޗައިނާގެ ފަތުރުވެރިކަމުގެ ދާއިރާގެ މާހިރުން ވިދާޅުވީ މި ޕްރޮގްރާމްގެ ކާމިޔާބީ ވަޒަންކުރުމަށް އަދި އަވަސް ކަމަށެވެ.
އެހެންނަމަވެސް، ޗައިނާގެ ސަރުކާރުން މި ޕްރޮގްރާމް ކުރިއަށް ގެންދިއުމަށް ގަދައަޅައި މަސައްކަތްކުރަމުންދާ ކަމަށްވެސް ބެލޭވޭކަމަށް ފަތުރުވެރިކަމުގެ ދާއިރާގެ މާހިރުން ފާހަގަކުރެ އެވެ.
ފަތުރުވެރިކަމުގެ ދާއިރާގެ މާހިރުން ބައެއް ރިޕޯޓްތަކަށް ހަވާލީދީ ވިދާޅުވީ އިތުރު ޤައުމުތަކަށް ވެސް މި ފުރުސަތު ހުޅުވާލުމަށް ރޭވެމުންދާ ކަމަށެވެ.
މި މަސައްކަތާ ގުޅިގެން ފަތުރުވެރިކަމުގެ ދާއިރާގެ އިސްވެރިން ވިދާޅުވީ ޗައިނާގެ ފަތުރުވެރިކަމުގެ ދާއިރާއަށް އަލުން ފުރާނަ ލުމަށްޓަކައި މި ޕްރޮގްރާމް ވަރަށް މުހިންމު ކަމަށެވެ. ނަމަވެސް މި މަގްސަދު ހާސިލުކުރުމަށް އިތުރު މަސައްކަތްތަކެއް ކުރަންޖެހޭނެ ކަމަށް ވެސް އެ ބޭފުޅުން ފާހަގަކުރެ އެވެ.
