Sunday, 15 November 2026
Advertisement
Allied Insurance (leaderboard)
ޚަބަރު

ވައިގަދަވެ، ދަތުރުތަކަށް ބުރޫ އަރައިފި، ބައެއް ފްލައިޓްތައް ނުޖެއްސިގެން އެނބުރެނީ

ވައިގަދަވެ، ދަތުރުތަކަށް ބުރޫ އަރައިފި، ބައެއް ފްލައިޓްތައް ނުޖެއްސިގެން އެނބުރެނީ

މޫސުން ގޯސްވެ، ފްލައިޓްތައް ޑިލޭވެ ބައެއް ފްލައިޓްތައް ދާންވީ މަންޒިލަށް ނުދެވި، ވީއައިއޭގެ ދަތުރުތަކަށް ބުރޫ އަރައިފި އެވެ.

ފްލައިޓް ޝެޑިއުލް ދައްކާ ގޮތުން ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ކުރަން ތާވަލު ކުރެވިފައިވާ ޑޮމެސްޓިކް ދަތުރުތަކާއި، އިންޓަނޭޝަނަލް ދަތުރުތަކުގެ ތެރެއިން ގިނަ ފްލައިޓްތަކެއް ވަނީ ޑިލޭ ވެފަ އެވެ.

އެގޮތުން މިއަދު ހެނދުނު 10:30 ގައި ވީއައިއޭއިން ފުރައިގެން ކޫއްޑޫއަށް ދިއުމަށް ތާވަލު ކުރެވިފައިވާ މޯލްޑިވިއަންގެ ފްލައިޓެއް ވެސް ވަނީ މެންދުރު 1:35 އެއްގައި ނައްޓާލާ ގޮތަށް ޑިލޭ ވެފަ އެވެ. އޭގެއިތުރުން، އިންޑިގޯ، އޮމާން އެއާ އަދި ވިލާ އެއާގެ ދަތުރުތައް ވެސް ވަނީ ޑިލޭ ވެފަ އެވެ.

Advertisement
Ooredoo — Square (box)

ފްލައިޓް ރާޑަރުން ދައްކާގޮތުން މިއަދު ހެނދުނު ވީއައިއޭއިން ފުރައިގެން އދ. މާމިގިއްޔަށް ދަތުރުކުރި ފްލައިމީގެ ފްލައިޓެއް ވަނީ މޫސުން ގޯސްވުމުގެ ސަބަބުން މާމިގިލި އެއާޕޯޓަށް ނުޖެއްސިގެން އަނބުރާ ވީއައިއޭއަށް ޖައްސާފަ އެވެ. ހެނދުނު 9:52 ގައި މާމިގިއްޔަށް ދިއުމަށް ނައްޓާލި ފްލައިޓް އަލުން އަނބުރާ އައިސް ވީއައިއޭއަށް ޖައްސާފައިވަނީ 11:59 ގަ އެވެ.

މީގެއިތުރުން، އިންޓަނޭޝަނަލް ފްލައިޓުތައް ވެސް ވީއައިއޭއަށް ނުޖެއްސި މަތީގައި މަޑުކުރަން ޖެހިފައިވެ އެވެ.

މޫސުން ގޯސްވުމުގެ ސަބަބުން ކ އަތޮޅުން ފެށިގެން ތ އަތޮޅަށް ވަނީ ޔެލޯ އެލާޓް ވެސް ނެރެފަ އެވެ. މިއަދު މެޓް އޮފީހުން ވަނީ ބޯކޮށް ވާރޭ ވެހުމާއެކު ވައި ގަދަވާނެ ކަމަށް ލަފާކޮށް، މިއަދު މެންދުރު ފަހު 3 ޖެހުމާ ހަމައަށް އެ ސަރަހަށްދަށް ޔެލޯ އެލާޓް ނެރެފަ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.