Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ޔ‏ާމީނާ ސަރުކާރާ ގުޅުމެއް ނެތް، އިންޑިއާއިން ކަންބޮޑުވާނެ ކަމެއް ނެތް: ހަލީލު

ޔ‏ާމީނާ ސަރުކާރާ ގުޅުމެއް ނެތް، އިންޑިއާއިން ކަންބޮޑުވާނެ ކަމެއް ނެތް: ހަލީލު
ކުރީގެ ރައީސް އަބްދުﷲ ޔާމީންއާ މި ސަރުކާރާ ގުޅުމެއް ނެތް ކަމަށާއި، އިންޑިއާއިން ކަންބޮޑުވާން ނުޖެހޭނެ ކަމަށް ފޮރިން މިނިސްޓަރު ޑރ އަބްދުﷲ ހަލީލް ވިދާޅުވެއްޖެ އެވެ. ރަސްމީ ދަތުރެއްގައި އިންޑިއާ އަށް ވަޑައިގެން އުޅުއްވާ މިނިސްޓަރު ހަލީލު އެހެން ވިދާޅުވީ އިންޑިއާގެ 'ވިއޯން' ނޫހުން ކުރި ސުވާލަކަށް ދެއްވި ޖަވާބުގަ އެވެ. މި ސަރުކާރު ވެރިން އިދިކޮޅުގައި ތިބިއިރު އިންޑިއާ ދެކޮޅަށް ހިންގި "އިންޑިއާ އައުޓް" ކެމްޕޭނާ ސަރުކާރުގެ ޑެޕިއުޓީ މިނިސްޓަރު އެ ގައުމުގެ ބޮޑުވަޒީރު ނަރެންދުރަ މޯދީ އަށް ކުޑާއިމިސްކޮށް ދެއްކި ވާހަކަތަކަށް ފަހު ރާއްޖެއިން އިންޑިއާ ފަސްޓް ޕޮލިސީ ގެންގުޅޭނެ ކަމުގެ ކިހާ ޔަގީންކަމެއް އެބައޮތްތޯ ނޫސްވެރިޔާ ސުވާލުކުރުމުން ހަލީލް ވިދާޅުވީ އިންޑިއާ ދެކޮޅު ހަރަކާތް ހިންގެވީ ޔާމީން ކަމަށެވެ. https://twitter.com/sidhant/status/1875544804811243521 "އެ ބޭފުޅާ (ޔާމީން) އަކީ އަހަރުމެން (މި ސަރުކާރާ) މުޅިން ދުރަށް ގޮސްފައިވާ މީހެއް، އަމިއްލަ ޕާޓީއެއް އޮވޭ، ހުންނެވީވެސް އެ ޕާޓީގައި" ހަލީލް ވިދާޅުވި އެވެ. އިންޑިއާއާ އެ ގައުމުގެ ރައްޔިތުންނާ އެކު އިތުރަށް ގުޅުން ބަދަހިކުރެއްވުމަށް ރައީސް ޑރ މުހައްމަދު މުއިއްޒު މަސައްކަތް ކުރައްވަމުން ގެންދަވާކަން ފާހަގަކުރައްވާ ހަލީލް ވިދާޅުވީ ރައީސް މުއިއްޒު ވަޑައިގަންނަވާނީ ކުރިއަށް ކަމަށެވެ.
ކުރީގެ ރައީސް(ޔާމީން) އާ އަޅުގަނޑުމެންނާ އޮންނަ ގުޅުން މުޅިން ތަފާތު އެމަނިކުފާނު މަސައްކަތް ކުރައްވަނީ ސަރުކާރާ ދެކޮޅަށް
މިނިސްޓަރު ވިދާޅުވީ އިގްތިސާދީ ގުޅުމާ، ސަލާމަތީ ޕާޓްނާޝިޕްގެ ރޮނގުން ވެސް ރާއްޖެއާއި އިންޑިއާ ދެމެދު އޮތް ސްޓްރެޓެޖިކް ގުޅުން ބަދަހިވެ ކުރިއަރަމުން އަންނަ ކަމަށެވެ. "މި ޕާޓްނާޝިޕްގައި (ރާއްޖެ-އިންޑިއާ ގުޅުން) އެއްވެސް ހަމަނުޖެހުމެއް އުފެދުމުގެ ޖާގައެއް ނެތް، އެއްވެސް ކަމެއް އުފެދިގެން ނުދާނެކަމުގެ ޔަގީންކަން އެބައޮތް" ހަލީލް ވިދާޅުވި އެވެ. އަދި ބައެއް ފަރާތްތަކުން ގުޅުން ހީނަރުކުރަން މަސައްކަތް ކޮށްފާނެ ކަން ވެސް އެނގިވަޑައިގަންނަވާ ކަމަށާއި އެކަމަކު އެ މަސައްކަތް ކާމިޔާބެއް ނުވާނެ ކަމަށް ވިދާޅުވި އެވެ. އެ އިޝާރަތް ކުރެއްވީ ކޮން ބަޔަކަށް ކަމެއް ވިދާޅެއް ނުވެ އެވެ ޗައިނާއާ މި ސަރުކާރާ އޮންނަ ގުޅުމާ ބެހޭ ގޮތުން ސުވާލުކުރުމުން މިނިސްޓަރު ވިދާޅުވީ އެހެން ގައުމުތަކާ އޮންނަ ގުޅުމުގެ ސަބަބުން އިންޑިއާ ދެމެދު އޮންނަ ބަދަހިކަމަށް ބުރޫލެއް ނާރާނެ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.