ފެން ނުހިނދޭތީ ހުޅުމާލެ ސަހަރާގައި މީހުން ވަޅުލުން މެދުކަނޑާލައިފި

ވިއްސާރައިގެ ސަބަބުން, ފެން ނުހިނދޭތީ ހުޅުމާލެ ސަހަރާގައި މީހުން ވަޅުލުން މެދުކަނޑާލައިފި އެވެ.
މާލެ ސިޓީ ކައުންސިލުން "އެކްސް" ގައި މިއަދު ކުރި ޕޯސްޓެއްގައި ބުނީ މާލެ ސަރަހައްދަށް ކުރަމުންދާ ވިއްސާރައާ ގުޅިގެން، ހުޅުމާލެ ސަހަރާގެ ފެންފަށަލައިގައި 8 އިންޗި އާއި 9 އިންޗިއާ ދެމެދު މިންވަރަކަށް ފެން ހަރުލާފައިވާ ކަމަށެވެ.
އެކަމުގެ ސަބަބުން ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާކަން އެ ކައުންސިލުން ފާހަގަކުރެ އެވެ.
"މި ވަގުތަށް ހުޅުމާލެ ސަހަރާގައި މީހުން ވަޅުލެވެން ނެތް ވާހަކަ ހިތާމައާއި އެކު ދަންނަވަމެވެ،"ސިޓީ ކައުންސިލުން ބުނީ މިއަދު ހުޅުމާލެ ސަހަރާގައި ވަޅުލަން ހަމަޖެހިފައިވާ މީހުންގެ ޖަނާޒާގެ އިންތިޒާމް ހަމަޖެހިފައިވަނީ މާލޭ އާސަހަރާ މިސްކިތުގައި ކަމަށެވެ. މީގެކުރިން ވެސް ވިއްސާރައިގެ ސަބަބުން ފެން ނުހިދިގެން, ހުޅުމާލެ ސަހަރާގައި މީހުން ވަޅުލުން މެދުކަނޑާލި އެވެ. ހުޅުމާލޭގައި ވަޅުލުމަށް މިއަދު ހަމަޖެހިފައިވާ މީހުން އާ ސަހަރާގައި ވަޅުލަން ނިންމާފައިވާއިރު، ބޮޑު މަރާމާތަކަށްފަހު އާ ސަހަރާ މިސްކިތް ހުޅުވާފައިވަނީ މިދިޔަ އޮކްޓޯބަރު މަހުގެ ތެރޭގަ އެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.