Monday, 16 November 2026
Advertisement
MWSC — SmartMeter (leaderboard)
ޚަބަރު

ލ. ގަމުގައި ޓޫރިސްޓު ހޮޓާތަކެއް އަޅަން ހަވާލުކޮށްފި

ލ. ގަމުގައި ޓޫރިސްޓު ހޮޓާތަކެއް އަޅަން ހަވާލުކޮށްފި
ލ. ގަމު ބީޗު ސަރަހައްދުގައި 3 ޓޫރިސްޓު ހޮޓަލެއް އެޅުމަށް ކުންފުނިތަކަކާއެކު އެއްބަސްވުމެއްގައި އެ ރަަށު ކައުންސިލުން ސޮއިކޮށްފި އެވެ. ގަމު ކައުންސިލުގެ ރައީސް އަހުމަދު ޒަކީ "ދެން" އަށް މިއަދު ވިދާޅުވީ ހޮޓާ އަޅަން ހަވާލުކުރީ ޔޯމަން އެޖެންސީސް މޯލްޑިވްސް އަދި ފެޑޯ ޕްރައިވެޓް ލިމިޓެޑްގެ އިތުރުން ބައިސަން ޓްރެވެލް މޯލްޑިވްސްއާ ކަމަށެވެ. އެތަނުން 100 ރޫމްގެ ހޮޓާ އަޅަން ޔޯމަން އަށް އަދި 50 ކޮޓަރީގެ ހޮޓަލެއް ފެޑޯ ޕްރައިވެޓް ލިމިޓެޑާ ހަވާލުކުރުމުގެ އެއްބަސްވުމުގައި ސޮއިކުރީ މިއަދު އެވެ. އަދި 52 ކޮޓަރީގެ ހޮޓަލެއް އަޅަން ބައިސަން ޓްރެވެލް މޯލްޑިވްސްއާ ހަވާލުކުރީ ހުސްވި ޑިސެމްބަރު މަހު އެވެ. އެ 3 ކުންފުންޏާ އެ މަސައްކަތް ހަވާލުކުރީ 2 އަހަރެއްހާ ދުވަސް ތެރޭގައި ނިންމާ ގޮތަށް،  35 އަހަރުގެ ދިގު މުއްދަތަށެވެ. ލޯކަލް ގަވާމަންޓް މިނިސްޓްރީން ބުނީ އެ މަޝްރޫއުގެ ސަބަބުން، ގަމުން އިތުރު ވަޒީފާގެ ފުރުސަތަކެއް ހުޅުވިގެންދާނެ ކަމަށެވެ.

"މީގެ އިތުރުން، މި މަޝްރޫއަކީ ރަށުގެ އިގުތިސާދަށް ފާހަގަކުރެވޭ ފަދަ ކުރިއެރުމެއް ގެނެސްދޭނެ ވަސީލަތަކަށް ވެގެންދާނެ އެވެ. މި ތަރައްގީގެ މަޝްރޫއުގެ ސަބަބުން ގަމުގެ ފަތުރުވެރިކަމުގެ ދާއިރާއަށް ވެސް އިތުރު ކުރިއެރުންތަކެއް ލިބިގެންދާނެއެވެ." އެލްޖީއޭއިން ބުނެފައިވެ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.