އެއްލައްކަ ރުފިޔާގެ އިނާމު ލިބޭ އެސްޓީއޯ ރަމަޒާން ބާޒާރު ފަށައިފި
އެއް ލައްކަ ރުފިޔާގެ ނަސީބުވެރި އިނާމަކާއެކު ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ރޯދަ މަހަށް ހާއްސަކޮށް ބާއްވާ "ރަމަޒާން ބާޒާރު" މިރޭ ފަށައިފި އެވެ.
ގިނަ ޕްރޮމޯޝަންތަކާއެކު އެސްޓީއޯ ޕީޕަލް ޗޮއިސްގައި ފެށި ޕްރޮމޯޝަންގައި ތަފާތު ގިނަ ހަރަކާތްތަކާއި އިނާމުތައް ހިމެނޭކަމަށް އެ ކުންފުނިން ބުންޏެވެ.
މި ސޭލް ކުރިއަށްދާނީ މިއަދުން ފެށިގެން މާޗު 31 ގެ ނިޔަލަށެވެ.
އެސްޓީއޯ ރަމަޒާން ބަޒާރަކީ ވިޔަފާރިކުރާ ފަރާތްތަކުގެ ތެރޭގައި އެންމެ މަގްބޫލު އެއް ސޭލެވެ. އެހެން އަހަރު ތަކެކޭވެސް އެއްގޮތަށް މި އަހަރުގެ އެސްޓީއޯ ރަމަޒާން ބަޒާރުގައިވެސް ހިތްގައިމު ގިނަ ޑިސްކައުންޓް ތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ އަތޮޅުތެރޭގެ ޕީޕަލްސް ޗޮއިސްގެ ފިހާރަތަކުން ކަސްޓަމަރުންނަށް ލިބޭނެ ކަމަށް އެސްޓީއޯ އިން ބުންޏެވެ.
އެސްޓީއޯއިން ބުނީ މި އަހަރުގެ ބާޒާރުގައި 50 އިންސައްތައާ ހަމައަށް ހޯމްއެޕްލަޔަންސް އައިޓަމްތަކުން ޑިސްކައުންޓް ލިބޭއިރު، 500 ރުފިޔާ އިން މަތިން ކުރާ ކޮންމެ ވިޔަފާރިއަކަށް ކޫޕަނެއް ލިބިގެންދާނެ ކަމަށެވެ. އަދި ކޮންމެ ހަފްތާއަކު ނަސީބުވެރި ފަރާތަކަށް ހަދިޔާއެއްގެ ގޮތުން ގިފްޓް ހެމްޕާ އެއް ދިނުމަށް ހަމަޖެހިފައިވާ ކަމަށް އެސްޓީއޯއިން ބުންޏެވެ.
އެސްޓިއޯއިން ބުނީ މި ޕްރޮމޯޝަންގައި އެންމެ ހާއްސަ ގްރޭންޑް ޕްރައިޒް 100،000 ރުފިޔާގެ ނަސީބުވެރިޔާ ޕްރޮމޯޝަން ނިމުމުން ގުރުއަތުން ނަގާނެ ކަމަށެވެ.
މީގެ އިތުރުން މި ޕްރޮމޯޝަން ކުރިއަށްދާއިރު އާއިލީ ހަވީރަކާއި އިންސްޓޯ ހަރަކާތްތައްވެސް ކުރިއަށް ގެންދިއުމަށް ހަމަޖެހިފައިވާކަމަށް އެސްޓީއޯއިން ބުންޏެވެ.
