ކުޅުންތެރިންގެ ވިސާ އާނުކޮށް އޮތުމުން ޔުނައިޓެޑް ވިކްޓްރީ ޖޫރިމަނާ ދައްކަން ހުކުމެއް
ފުރަތަމަ ޑިވިޝަނުގައި ކުޅޭ ޔުނައިޓެޑް ވިކްޓްރީ ކްލަބަށް ގެނައި ބިދޭސީ ކުޅުންތެރިންގެ ވިސާ އާ ކޮށްފައިނުވާތީ ސިވިލް ކޯޓުން އެ ކުލަބް ޖޫރިމަނާކޮށްފި އެވެ.
ސިވިލް ކޯޓަށް މައްސަލަ ހުށަހެޅީ މޯލްޑިވްސް އިމިގްރޭޝަނުންނެވެ.
އެ އިދާރާއިން ހުށަހެޅި މައްސަލާގައި ބުނާ ގޮތުން ޔުނައިޓެޑް ވިކްޓްރީގެ ޒިންމާގެ ދަށުން ބިޒްނަސް ވިސާގައި ބިދޭސީ ކުޅުންތެރިން ރާއްޖެ ގެނެސްފައިވާއިރު، ދޫކޮށްފައިވާ ވިސާ ހަމަވުމުގެ ކުރިން ވިސާ އާ ކުރަން ހުށަހައަޅާފަ އެއް ނުވެ އެވެ. އަދި ކުޅުންތެރިން ފުރުވާލާފައި ނުވާ ކަމަށް ހުށަހެޅި މައްސަލާގައި ބުންޏެވެ.
އިމިގްރޭޝަނުން ކޯޓުގައި އެދުނީ 30،000ރ ދެއްކުމަށް ވިކްޓްރީ ކްލަބަށް ހުކުމްކޮށް ދިނުމަށެވެ.
ވިކްޓްރީ ކްލަބުގެ ގައިރު ހާޒިރުކުގައި ގާޒީ އާދަމް ޒާލިފް ހުކުމް ކުރެއްވީ މި މަހުގެ 9 ވަނަ ދުވަހުން ފެށިގެން 7 ދުވަސް ތެރޭގައި އެ ފައިސާ ސިވިލް ކޯޓަށް ދެއްކުމަށެވެ.
Ads by STO
