Tuesday, 17 November 2026
Advertisement
MWSC — SmartMeter (leaderboard)
ޚަބަރު

ރާއްޖެ-އަޒަރުބައިޖާންގެ ފުރަތަމަ މަޝްވަރާ ބައްދަލުވުން ބާއްވައިފި

ރާއްޖެ-އަޒަރުބައިޖާންގެ ފުރަތަމަ މަޝްވަރާ ބައްދަލުވުން ބާއްވައިފި

ރާއްޖޭގެ ފޮރިން މިނިސްޓްރީއާއި އަޒަރުބައިޖާންގެ ފޮރިން މިނިސްޓްރީއާ ދެމެދު ބައިލެޓަރަލް ކޮންސަލްޓޭޝަންސްގެ ފުރަތަމަ ބައްދަލުވުން މިއަދު ބާއްވައިފި އެވެ.

މިއީ ރައީސް ޑރ. މުހައްމަދު މުއިއްޒުއާއި އަޒަރުބައިޖާންގެ ރައީސް އިލްހާމް އަލިޔޭވްއާ ދެމެދު މިދިޔަ ނޮވެމްބަރު މަހު ބަކޫގައި ކުރިއަށްދިޔަ ކޮޕް29ގެ ހަވާސާގައި ކުރެއްވި މަޝްވަރާތަކުގެ އަލީގައި ބޭއްވި ބައްދަލުވުމެއް ކަމަށް ވެސް ފޮރިން މިނިސްޓްރީން ބުނެފައިވެ އެވެ.

ފޮރިން މިނިސްޓްރީގައި ބޭއްވި އެ ބައްދަލުވުމުގައި އަޒަރުބައިޖާންގެ ފަރާތުން އިސްކޮށް ހުންނެވީ ޑެޕިއުޓީ ފޮރިން މިނިސްޓަރު އެލްނޫރު މަމަދޯވް އެވެ. އަދި އަޒަރުބައިޖާން ސަރުކާރުގެ ކަމާބެހޭ ވުޒާރާތަކުގެ އިސް ބޭފުޅުންނާއި، އަޒަރުބައިޖާންގެ އެކްސްޕޯޓް އެންޑް އިންވެސްޓްމަންޓް ޕްރޮމޯޝަން އޭޖެންސީ (އަޒްޕްރޯމޯ)ގެ އިސްވެރިންނާއި އާއި ޕްރައިވެޓް ސެކްޓާގެ މަންދޫބުން ވެސް އެ ބައްދަލުވުމުގައި ބައިވެރިވެވަޑައިގެންނެވި އެވެ.

Advertisement
Allied — Dhen Online (box)

މިއަދުގެ ބައްދަލުވުމުގައި އިންވެސްޓްމަންޓް ކުރިއެރުވުމާއި، ތައުލީމާއި، ސަގާފަތާއި، ފަތުރުވެރިކަމާއި، ކަނެކްޓިވިޓީގެ ދާއިރާއިން ގުޅުން ބަދަހިކުރުމާއި، ރައްޔިތުންގެ މެދުގައި ގުޅުން ބަދަހިކުރުމާއި، މަލްޓިލޭޓަރަލް ކޯޕަރޭޝަންގެ އިތުރުން، ދެ ގައުމުގެ މަސްލަހަތު ހިމެނޭ މުހިންމު ކަންކަމާ ގުޅޭގޮތުން މަޝްވަރާކުރި ކަމަށް ފޮރިން މިނިސްޓްރީން ބުންޏެވެ.

އަދި މިއަދުގެ މަޝްވަރާގައި ފޮރިން ސެކްރެޓަރީ އިނާޔާ އާއި ޑެޕިއުޓީ ފޮރިން މިނިސްޓަރު މަމަދޯވް، ދެ ގައުމުގެ މަސްލަހަތު ހިމެނޭ ކަންކަމުގައި އެއްބާރުލުން ދިނުމަށާއި ދެ ގައުމުގެ ދެމެދުގައި އޮތް ގާތް ރަހުމަތްތެރިކަމުގެ ގުޅުން އިތުރަށް ބަދަހިކުރައްވާނެ ކަމުގެ ޔަގީންކަން ދެއްވިކަމަށް ފޮރިން މިނިސްޓްރީން ބުނެފައިވެ އެވެ.

އަޒަރުބައިޖާންގެ ވަފްދުގެ ދަތުރުފުޅުގައި ދިވެހި ސަރުކާރުގެ ކަމާބެހޭ ވުޒާރާތަކާއި މަޝްވަރާކުރައްވައި، ރާއްޖޭގައި ހުރި އިންވެސްޓްމަންޓްގެ ފުރުސަތުތައް ދެނެގަތުމަށް ހަމަޖެހިފައިވެ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.