ޑިމޮކްރެޓްސް ވާނީ އެންމެ ސާފު ޕާޓީއަށް: އިމްތިޔާޒް
ޑިމޮކްރެޓްސް ވާނީ ރާއްޖޭގެ އެންމެ ސާފު ޕާޓީއަށް ކަމަށް އެ ޕާޓީގެ ރައީސްގެ މަގާމަށް މިރޭ އިންތިހާބު ކުރި އިމްތިޔާޒް ފަހުމީ ވިދާޅުވެއްޖެ އެވެ.
ޑިމޮކްރެޓްސްގެ ރައީސްގެ މަގާމަށް އިންތިހާބުވުމަށް ފަހު ވާހަކަ ދައްކަވަމުން އިމްތިޔާޒް މިރޭ ވިދާޅުވީ ޑިމޮކްރެޓްސްއަކީ އުފެދުމުގައި ވެސް އަދި އުފެއްދުމަށް ފަހު ވެސް ސައްހަ މެމްބަޝިޕްއެއް ގެންގުޅޭ ޕާޓީއެއްކަން އިލެކްޝަންސްް ކޮމިޝަން (އީސީ) އިން ވެސް ފާހަގަކޮށްފައިވާ ކަމަށެވެ.
އޭނާ ވިދާޅުވީ ޑިމޮކްރެޓްސް އުފައްދައި މެމްބަރުން އިތުރުކުރަމުން ދިޔައިރުވެސް އެންމެ ބޮޑަށް ސަމާލުކަން ދިން އެއް ކަމަކީ ސައްހަ މެމްބަޝިޕްއެއް ކަަށަވަރުކުރުން ކަމަށެވެ.
ތަޣައްޔަރުވެފައިވާ ސިޔާސީ މާހައުލެއްގައި އާންމު މީހުން ބޭނުންވާނީ ސާފު ޕާޓީއެއް ކަމަށް އިންތި ތަކުރާރުކޮށް މިރޭ ވިދާޅުވި އެވެ. ތަޣައްޔަރުވެފައިވާ ސިޔާސީ މާހައުލު ސާފު ކުރެވޭނީ، އެތެރެއިން ވެސް ސާފުވެފައިވާ ޕާޓީއަކަށް ކަމަށް ވެސް އިމްތިޔާޒް ވިދާޅުވި އެވެ.
އަދި އެ މަގަށް ގެންދިއުމަށް މަސައްކަތް ކުރާނެ ކަމުގެ ޔަގީންކަން އިމްތިޔާޒް ދެއްވި އެވެ.
"އަޅުގަނޑުމެން ރައްޔިތުންނަށް ހުށަހަޅާނީ ސިޓީ އުރައެއްގައި ދޭ ފައިސާ ފޮއްޗަކަށް ނޫން. އަޅުގަނޑުމެން ވެރިކަމަކަށް އައުމަށް ފަހު ނުހައްގު ގޮތުގައި ބަހާ ވަޒީފާތަކަކަށް ނޫން ތާއިދު ހޯދަންވީކީ، އަޅުގަނޑުމެން ތާއިދު ހޯދަންވީ މި ޕާޓީގެ ހަރުދަނާ ކަމަށްޓަކައި،" އިމްތިޔާޒް ވިދާޅުވި އެވެ.
