Tuesday, 17 November 2026
Advertisement
Ooredoo — Airfibre (leaderboard)
ޚަބަރު

ޓޫރިޒަމް މިނިސްޓަރު ފައިސަލް ވަކިކޮށްފި

ޓޫރިޒަމް މިނިސްޓަރު ފައިސަލް ވަކިކޮށްފި

ރައީސް ޑރ މުހައްމަދު މުއިއްޒު ޓޫރިޒަމް މިނިސްޓަރުގެ މަގާމުން އިބްރާހިމް ފައިސަލް ވަކިކުރައްވައިފި އެވެ.

ޓޫރިޒަމް މިނިސްޓަރުގެ މަގާމަށް ފައިސަލް އައްޔަންކުރައްވާފައި ވަނީ 2023 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހު އެވެ.

ޓޫރިޒަމް މިނިސްޓަރު ކަމުން ފައިސަލް ވަކިކުރެއްވިއިރު، މަގާމުގެ ހައިސިއްޔަތުން އޭނާ ކުރަން ހަމަޖެހިފައިވާ ރަސްމީ ހުރިހާ ދަތުރުތައް ހުއްޓާލަން ރައީސް އޮފީހުން މިދިޔަ ހަފުތާގެ ހޯމަ ދުވަހު އެންގި އެވެ. ފައިސަލްގެ ދަތުރުތައް ހުއްޓުވި ސަބަބާ ގުޅޭ ގޮތުން ރައީސް އޮފީހުން އެއްވެސް އެއްޗެއް ބުނެފައެއް ނުވެ އެވެ.

Advertisement
Ooredoo — Square (box)

ފައިސަލް މަގާމުން ވަކި ކުރެއްވުމަށްފަހު ޓޫރިޒަމް މިނިސްޓްރީ ހިންގެވުން މިއަދުން ފެށިގެން ވަގުތީ ގޮތުން ހަވާލުކުރައްވާފައިވަނީ އިކޮނޮމިކް މިނިސްޓަރު މުހައްމަދު ސައީދުއާ އެވެ. މަގާމުން ފައިސަލް ވަކިކުރެއްވި ސަބަބެއް ރައީސް އޮފީހުން ހާމަކޮށްފައެއް ނުވެ އެވެ.

ފައިސަލްއަކީ ރައްޔިތުންގެ މަޖިލީހުގެ ރައީސް އަދި ވެރިކަން ކުރާ ޕާޓީ، ޕީޕަލްސް ނޭޝަނަލް ކޮންގްރެސްގެ ޗެއާޕާސަން އަބްދުއްރަހީމް އަބްދުﷲ ގެ ދަރިކަލުންނެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.