ޗައިނާގެ އާ އަހަރުގެ ތަހުނިޔާ އާއެކު ރައީސް ވިދާޅުވީ ގުޅުން އިތުރަށް ބަދަހި ކުރެވޭނެ ކަމަށް
ރާއްޖެ އާއި ޗައިނާއިން އެކުގައި މަސައްކަތްކޮށް، ދެ ގައުމުގެ ދެމެދުގައި އޮތް ގުޅުން އިތުރަށް ބަދަހި ކުރެވޭނެ ކަމުގައި ޔަގީންކަން އެބައޮތް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް އެހެން ވިދާޅުވީ ޗައިނާގެ އާ އަހަރުގެ މުނާސަބަތުގައި އެ ގައުމުގެ ރައީސަށާއި އެ ގައުމުގެ ރައްޔިތުންނަށް ތަހުނިޔާ ކިޔުއްވައި "އެކްސް" ގައި މިއަދު ކުރެއްވި ޕޯސްޓެއްގަ އެވެ.
ރައީސް ވިދާޅުވީ ރާއްޖެ އާއި ޗައިނާ އާ ދެމެދު އުފެދިފައި އޮތީ ޒަމާންވީ ގާތް ގުޅުމެއް ކަމަށެވެ. މި ގުޅުން ބިނާވެފައި ވަނީ ދެ ގައުމުގެ ދެމެދުގައި އުފެދިފައިވާ އިހުތިރާމާއި އިތުބާރުގެ މައްޗަށް ކަމުގައި ފާހަގަކުރެއްވި އެވެ.
ރާއްޖެ އާއި ޗައިނާއިން އެކުގައި މަސައްކަތްކޮށް، ދެ ގައުމުގެ ދެމެދުގައި އޮތް ގުޅުން އިތުރަށް ބަދަހި ކުރެވޭނެ ކަމުގެ ޔަގީންކަން އެބައޮތް ކަމަށް އެމަނިކުފާނު ވިދާޅުވި އެވެ.
ދެ ގައުމުގެ ގުޅުން އިތުރަށް ބަދަހިކުރުމަށް ރާއްޖެއިން އަބަދުވެސް ދެމިތިބޭނެ ކަމުގެ ޔަގީންކަން ރައީސް ވަނީ ދެއްވާފަ އެވެ.
ރާއްޖެ އާއި ޗައިނާ އާ ދެމެދު ހާރިޖީ ގުޅުން ގާއިމުކޮށްފައި ވަނީ 1972 ވަނަ އަހަރުގެ އޮކްޓޫބަރު މަހުގެ 14 ވަނަ ދުވަހު އެވެ.
Ads by STO
