Monday, 16 November 2026
Advertisement
STO — McCoy (leaderboard)
ޚަބަރު

ކުޑަކުއްޖަކު ފިހުނު މައްސަލައެއް ފުލުހުން ތަހުގީގު ކުރަނީ

ކުޑަކުއްޖަކު ފިހުނު މައްސަލައެއް ފުލުހުން ތަހުގީގު ކުރަނީ
ހުޅުމާލޭގެ އެޕާޓްމަންޓެއްގައި ހިނގި އަލިފާނުގެ ހާދިސާއެއްގައި ކުޑަކުއްޖަކު ފިހުނު މައްސަލައެއް އެ އިދާރާއިން ބަލަމުން އަންނަ ކަމަށް ފުލުހުން ބުނެފި އެވެ. މައުލޫމާތު ލިބޭ ގޮތުން އެ ހާދިސާ ހިނގީ މިދިޔަ ބުދަ ދުވަހުގެ ރެ އެވެ. އެ ހާދިސާގައި ކުއްޖާ ފިހިފައި ވަނީ ގޭސް ލީކުވެފައިވަނިކޮށް، އުނދުން ރޯކުރުމާ ގުޅިގެން ހުޅުހިފައިގެން ކަމަށްވެ އެވެ. ހުޅުމާލެ ހޮސްޕިޓަލުން މީގެކުރިން ބުނެފައިވާ ގޮތުގައި ކުއްޖާގެ ހާލު ސްޓޭބަލް ނަމަވެސް ހަށިގަނޑުގެ ބޮޑު ބައެއް ފިހިފައިވުމުން ފަރުވާދެމުން ދަނީ އެޑްމިޓްކޮށްގެން ކަމުގަ އެވެ. މީޑިއާތަކަށް ފޮނުވި މެސެޖެއްގައި ފުލުހުން މިއަދު ބުނީ ފިހިގެން ފަރުވާދެމުން އަންނަނީ އުމުރުން 13 އަހަރުގެ ފިރެހެން ކުއްޖަކަށް ކަމަށެވެ.
"..ކުއްޖާ ފިހިގެން ފަރުވާ ދެމުންދާ ކަމަށް ފުލުހުންނަށް ލިބުނު މައުލޫމާތަކާ ގުޅިގެން، ފުލުހުން ވަނީ އެކަމުގެ މައުލޫމާތު ހޯދައި އެ މައްސަލަ 2025 ޖެނުއަރީ 23 ވަނަ ދުވަހު ތަހުގީގުކުރަން ފަށާފައި،"
އެ ކުއްޖާއަށް ފަރުވާދެމުން ދަނީ ހުޅުމާލެ ހޮސްޕިޓަލުގައި ކަމަށް ފުލުހުން ބުންޏެވެ. އިތުރަށް ބުނީ ހާދިސާ ހިނގި ގޮތް ބެލުމުގެ މަސައްކަތް ތަހުގީގު ތެރެއިން ކުރަމުންދާ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.