Tuesday, 17 November 2026
Advertisement
STO — McCoy (leaderboard)
ޚަބަރު

ޓޫރިޒަމަށް ހިދުމަތްކުރަން ދެއްވި ފުރުސަތައް ފައިސަލްގެ ޝުކުރު ރައީސަށް

ޓޫރިޒަމަށް ހިދުމަތްކުރަން ދެއްވި ފުރުސަތައް ފައިސަލްގެ ޝުކުރު ރައީސަށް
ޓޫރިޒަމް މިނިސްޓަރުކަން ކުރަން ލިބުނު ފުރުސަތަށް އެ މަގާމުން ވަކިކުރި އިބްރާހިމް ފައިސަލް، ރައީސް ޑރ މުހައްމަދު މުއިއްޒުއަށް ޝުކުރު އަދާކޮށްފި އެވެ. ޓޫރިޒަމް މިނިސްޓަރުކަމުން ފައިސަލް ވަކިކުރި ސަބަބެއް ސަރުކާރުން މިހާތަނަށް ހާމަކޮށްފައިނުވާއިރު، އެ ސަބަބެއް ހުދު ފައިސަލްއަށްވެސް އެނގިވަޑައިނުގަންނަވާ ކަމަށް "ދެން" އަށް އޭނާ ވަނީ ވިދާޅުވެފަ އެވެ. މިއަދު ނެރުނު ނޫސްބަޔާނެއްގައި ފައިސަލް ވަނީ މިނިސްޓަރުކަމުގެ މަގާމުން އޭނާ ވަކިކުރުމާ ހަމަޔަށް ރައްޔިތުންނަށް ހިދުމަތް ކުރަން ލިބިވަޑައިގެންނެވި ފުރުސަތަށް ރައީސް ޑރ. މުހައްމަދު މުއިއްޒަށް ޝުކުރު އަދާކޮށްފަ އެވެ.
ދިވެހި ގައުމަށާއި ދިވެހިރާއްޖޭގެ ޓޫރިޒަމަށް ހިދުމަތްކުރަން އަޅުގަނޑަށް ފުރުސަތު ދެއްވި ކަމަށްޓަކައި އިހުލާސްތެރި ކަމާއެކު ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ޝުކުރު އަދާ ކުރަމެވެ - އިބްރާހިމް ފައިސަލް
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ދަރިކަލުން ފައިސަލް ވިދާޅުވީ މިނިސްޓަރެއްގެ ހައިސިއްޔަތުން މަސައްކަތް ކޮށްފައިވާނީ ޝައުގުވެރިކަމާއި އިހްލާސްތެރިކަމާ އަދި ތެދުވެރިކަމާއެކު ގާބިލިއްޔަތު ތަންދިން މިންވަރުން ކަމަށެވެ. "އަޅުގަނޑާ ހަވާލުކުރެއްވި ޓޫރިޒަމްގެ އަމާޒުތަކަށް ވާސިލުވާން މަސައްކަތްކޮށްފައި ވާނީ ދިވެހިރައްޔިތުންނާއި ގާތުންނެވެ. ބަދަލުވަމުންދާ ދުނިޔޭގެ ފަތުވެރިކަމަށް ބަލައިގެނެވެ" އޭނާ ވިދާޅުވި އެވެ. ފައިސަލް ގަބޫލުކުރާ ގޮތުގައި ޓޫރިޒަމް މިނިސްޓަރަކަށް ހުރިއިރު ގިނަކަންތައްތަކެއް އޭނާއަށް ހާސިލުކުރެވުނެވެ. އެންމެ ބޮޑަށް އޭނާ ފާހަގަކުރި އެއް ކަމަކީ މިދިޔަ އަހަރަށް ކަނޑައެޅި މައިގަނޑު އަމާޒު، 2 މިލިއަން ޓޫރިސްޓުންގެ ލަނޑުދަނޑިއަށް ވާސިލުވުމެވެ. އޭނާ ވިދާޅުވި ގޮތުގައި އެކަން ވާސިލުވުމަކީ ދިވެހިންގެ ހަޔާތުގައި ތާރީހީ އުފަލަކާއި ބޮޑު ކާމިޔާބީއެކެވެ. އެ އުފާ ސަރުކާރާއި ރައްޔިތުނަށް ހޯދައިދެވުނީ ޓޫރިޒަމް އިންޑިސްޓްރީއާ އަހައގެން ފާޑުކިޔުންތައް ބަލައިގެން ކަމަށް ވިދާޅުވި އެވެ. https://twitter.com/ifaisalofficial/status/1884941708972163428 "ދިވެހި ސަރުކާރާއެކު ދިވެހި ގައުމަށް އަޅުގަނޑު ހިދުމަތް ކުރި އިރު، ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ފަރާތްޕުޅުންނާއި އެ މަނިކުފާނުގެ ވަޒީރުންގެ މަޖިލީހާއި ޓޫރިޒަމް މިނިސްޓަރީގެ ސިޔާސީ މުވައްޒަފުންނާއި ސިވިލް ސާވިސް މުވައްޒަފުންގެ ފަރާތުން އަޅުގަނޑަށް އެއްބާރުލުން ދީފައި ވަނީ ނުހަނު ބޮޑަށެވެ. އެ ހުރިހާ ފަރާތްތަކަށް އަޅުގަނޑުގެ ހިތުގައި އޮތީ ލޯތްބާއި ޝުކުރެވެ" ރައީސަށް ތަކުރާރުކޮށް ޝުކުރު އަދާކުރަމުން ފައިސަލް ވިދާޅުވި އެވެ. ދިވެހި ޓޫރިޒަމް އެހެން ހަރުފަތަކަށް ގެންދާން ޖެހޭ ކަމަށާއި އެކަމަށް މިހާރު ދިވެހިން އަޅަންޖެހޭ އެންމެ ބޮޑު ފިޔަވަޅަކީ މި ސަރުކާރުގެ ވަރަށް ބޮޑު ޝައުގުވެރި ކަމެއް އޮތް ފިޔަވަޅުތަކެއް ކަމަށް ފައިސަލް ވިދާޅުވި އެވެ. އޭނާ ވިދާޅުވީ އެއީ ޓޫރިޒަމްގެ ފަހި ފުރުސަތުތައް ޒުވާނުންނަށް ހޯދައިދީ، އިންވެސްޓްކޮށް ޒުވާނުންގެ ބައިވެރިވުމާއެކު ދިވެހި ޓޫރިޒަމް ދިވެހިންގެ އަތް މައްޗަށް ގެނައުން ކަމަށެވެ. އިތުރު އެނދު ތަރައްގީ ކުރާނެ ފަންޑު ހޯދައި ދިނުމާއެކު ފަސޭހަ ފަހި މާހައުލެއް ޒުވާނުންނަށް އުފައްދައި ދިނުމެވެ. ކުޑަ އިންޓްރަސްޓެއްގައި ލޯނު ދިނުމާއި ޓޫރިޒަމް ނެތް ދިމަ ދިމާއަށް ލުއިތައް ހޯދައިދީ ކަނެކްޓިވިޓީ އިތުރު ކުރާން ޖެހޭ ކަމަށާއި ލ. ހުޅިމެންދޫގައި ތަރައްގީކުރާން ނިންމާފައިވާ ޓޫރިޒަމް ޓްރޭނިން ސްކޫލްގެ އުފެދި ތަރައްގީވާން ޖެހޭ ކަމަށްވެސް ވިދާޅުވި އެވެ. ޓޫރިޒަމަކީ ރާއްޖޭގެ ދައުލަތަށް އެންމެ ބޮޑު އާމްދަނީއެއް ވައްދައިދޭ އިންޑަސްޓްރީ ކަމަށްވާއިރު އެ އިންޑަސްޓްރީ ފުޅާކޮށް ޒަމާނީ ކުރުމާއެކު މާކެޓްކޮށް އެކްސްޕްލޯ ކުރުމަށް، މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއަރްސީ) އިން ދީފައި އޮންނަ ބެޖެޓް 25 މިލިއަނާއި 50 މިލިއަން ޑޮލަރު ދެމެދުގެ އަދަދަކަށް ބަދަލުވާންޖެހޭ ކަމަށް ފައިސަލް ވިދާޅުވި އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.