Tuesday, 17 November 2026
Advertisement
STO — McCoy (leaderboard)
ޚަބަރު

ސައުދީން އިންވެސްޓްމަންޓްތައް އިތުރުކުރަން މަޝްވަރާކޮށްފި

ސައުދީން އިންވެސްޓްމަންޓްތައް އިތުރުކުރަން މަޝްވަރާކޮށްފި

ސައުދީ އަރަބިއްޔާއާ ރާއްޖެއާ ދެމެދު ވިޔަފާރީގެ ދާއިރާއިން ގުޅުން ބަދަހިކޮށް ރާއްޖޭގައި ސައުދީގެ އިންވެސްޓްމަންޓްތައް އިތުރުކުރުމަށް ކުރެވިދާނޭ ކަންކަމާ ގުޅޭ ގޮތުން މިއަދު މަޝްވަރާކޮށްފި އެވެ.

އެ މަޝްވަރާތައް ކުރިއަށް ދިޔައީ ފޮރިން މިނިސްޓަރު ޑރ. އަބްދުﷲ ހަލީލް ސައުދީ އަރަބިއްޔާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ސައުދީގެ ކޮމާސް މިނިސްޓަރު ޑރ. މާޖިދު ބިން އަބްދުﷲ އަލް ގަސަބީއާއެކު މިއަދު ބޭއްވެވި ބައްދަލުވުމުގެ ތެރެއިން ނެވެ.

އޭގެ އިތުރުން ސައުދީ އަރަބިއްޔާއާއެކު އޮންނަ ގާތް ގުޅުން އިތުރަށް ވަރުގަދަ ކުރުމަށާއި މުހިންމު ދާއިރާތަކުން ގުޅިގެން މަސައްކަތްކުރުމަށް ވެސް ދެ މިނިސްޓަރުން އެއްބަސްވެވަޑައިގަތެވެ.

Advertisement
HDC — Sidebar (box)

ސައުދީއަށް ކުރައްވަމުން ގެންދަވާ ދަތުރުފުޅުގެ ތެރެއިން  މިނިސްޓަރު ހަލީލު ވަނީ ސައުދީ ފަންޑް ފޯ ޑިވޮލޮޕްމަންޓްގެ ޑިރެކްޓާ ޖެނެރަލް ޑރ. ސައުދު އަލްޝަމާރީއާ ވެސް ބައްދަލުކުރައްވައިފަ އެވެ.

އެ ބައްދަލުވުމުގައި ވަނީ ސައުދީ ފަންޑު މެދުވެރިކޮށް ރާއްޖޭގައި ތަރައްގީގެ ޕްރޮޖެކްޓްތައް ކުރިއަށް ގެންދިއުމާ ގުޅޭ ގޮތުން މަޝްވަރާކޮށްފަ އެވެ.

އޭގެ އިތުރުން މިނިސްޓަރު ހަލީލު ވަނީ ސައުދީގެ ފޮރިން މިނިސްޓަރު ޕްރިންސް ފައިސަލް ބިން ފަރްހާން އަލް-ސައުދުއާއެކު ބައްދަލުކުރައްވައި ރާއްޖެއާއި ސައުދީގެ ގުޅުން ބަދަހިކުރަން ވެސް ވަނީ މަޝްވަރާކޮށްފަ އެވެ.

ހުސްވި ނޮވެމްބަރު މަހުވެސް ހަލީލް ސައުދީއަށް ވަޑައިގެންނެވި އެވެ. އެ ފަހަރު ސައުދީއަށް ވަޑައިގެންނެވީ އަރަބް-އިސްލާމިކް ސަމިޓުގައި ބައިވެރިވެވަޑައިގަތުމަށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.