ޚަބަރު

އެންއައިސީޔޫން ބޭސްތަކަށް ނުގުޑާ ވައްތަރުގެ ޖަރާސީމެއް ފެނިއްޖެ: އައިޖީއެމްއެޗް

އިބްރާހީމް ހަމީޒް ، ދެން އޮންލައިން
އައިޖީއެމްޗް ހޮސްޕިޓަލް ހުންނަ މަގު/ ފޮޓޯ: ދެން

ސީރިއަސް ހާލަތުގައި އޮންނަ އެންމެ ތުއްތު ކުދިންނަށް އައިޖީއެމްއެޗުގައި ފަރުވާ ދޭ ނިއޯ ނޭޓަލް އިންޓެންސިވް ކެއާ ޔުނިޓް(އެންއައިސީޔޫ)ގައި ފަރުވާ ދެމުންދާ ތުއްތު ކުދިންގެ ގައިން ގިނަ އަދަދެއްގެ ބޭސްތަކަށް ނުގުޑާ ޖަރާސީމުގެ ވައްތަރެއް ކަމަށްވާ ބެކްޓީރިއާއެއް ފެނިއްޖެ ކަމަށް އެ ހޮސްޕިޓަލުން ބުނެފި އެވެ.

Ads by MPL

އައިޖީއެމްއެޗްއިން މިއަދު އެކްސްގައި ކުރި ޕޯސްޓެއްގައި ވަނީ އެފަދަ މަދު ކޭސްތަކެއް ފެނުނުކަން ހާމަކޮށްފަ އެވެ.

އެހެން ނަަމަވެސް ފެނުނީ ކޮން ވައްތަރެއްގެ ޖަރާސީމެއް ކަމެއް އައިޖީއެމްއެޗްްއިން ނުބުނެ އެވެ.

އެހެންވެ އެ އިންފެކްޝަން ކޮންޓްރޯލް ކުރުމަށް ވަރަށް ވަރުގަދަ ފިޔަވަޅުތަކެއް އަޅާފައިވާކަން ފާހަގަކޮށް އައިޖީއެމްއެޗްއިން ބުނީ އެ ފިޔަވަޅުތަކާއެކު ޖަރާސީމު ފެތުރުން ހުއްޓުވިފައިވާ ކަމަށެވެ.

ްެއެހެން ނަމަވެސް ސްޓާފުންނާއި ބަލި މީހުންގެ ސަލާމަތަށް ޓަކައި އަދިވެސް ފިޔަވަޅުތައް ދަންމާލައިފައިވާ ކަމަށް ވެސް އައިޖީއެމްއެޗްއިން ބުންޏެވެ.

އައިޖީއެމްއެޗްއިން ބުނީ އެ ކޭސްތަކާ ގުޅޭ އިތުުތު މައުލޫމާތު ފަހުން ހާމަ ކުރާނެ ކަމަށެވެެ.

Ads by Ooredoo