Sunday, 15 November 2026
Advertisement
Allied Insurance (leaderboard)
ޚަބަރު

މުލީ އެއާޕޯޓް ރަސްމީކޮށް ހުޅުވައިފި

މުލީ އެއާޕޯޓް ރަސްމީކޮށް ހުޅުވައިފި
މ އަތޮޅުގައި ތަރައްގީކުރި ފުރަތަމަ އެއާޕޯޓް، މ. މުލި އެއާޕޯޓު މިއަދު ރަސްމީކޮށް ހުޅުވައިފި އެވެ. އެ އެއާޕޯޓް ހުޅުވައިދެއްވީ އެ ރަށަށް ވަޑައިގެން ރައީސް ޑރ. މުހައްމަދު މުއިއްޒު އެވެ. އެއާޕޯޓް ހުޅުވައިދެއްވައި ވާހަކަފުޅު ދައްކަވަމުން ރައީސް ވިދާޅުވީ އެ އެއާޕޯޓުން މުލީގެ ތަރައްގީއަށް ބޮޑު ކުރިއެރުމެއް ލިބޭނެ ކަމަށެވެ. މުލީ އެއާޕޯޓް ވެގެންދާނީ ގިނަ ދާއިރާތަކަކުން ކުރިއެރުން ހޯދުމުގެ ދޮރާއްޓެއްކަން ފާހަގަކުރައްވައި ރައީސް ވިދާޅުވީ އިގްތިސާދީ ގޮތުން ރަށަށް ކުރިއެރުން ގެނައުމުގައި އެއާޕޯޓު މުހިއްމު ރޯލެއް އަދާކުރާނެ ކަމަށެވެ.
އޭގެ ތެރޭގައި ހަމަ ޔަގީނުންވެސް ފަތުރުވެރިކަމުގެ ދާއިރާ އަކީ މުހިއްމު ދައުރއް އަދާކުރާނެ ދާއިރާއަކަށްވާނެ.
މުލީ އެއާޕޯޓް މަޝްރޫއަކީ 2021 ވަނަ އަހަރުގެ ފެބްރުއަރީ 28 ގައި 221.7 މިލިއަން ރުފިޔާއަށް އެމްޓީސީސީ އާ ހަވާލުކުރި މަޝްރޫއެކެވެ. އެކަމަކު އޭގެ ފަހުން ކުރި ހަރަދުތަކާއެކު ޖުމްލަ 540 މިލިއަން ރުފިޔާ ހަރަދުކޮށްފައިވެ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.