ރައީސް މުއިއްޒު ޗައިނާއަށް ވަޑައިގަންނަވަނީ
ރައީސް ޑރ. މުހައްމަދު މުއިއްޒު ޗައިނާއަށް ވަޑައިގަންނަވާ ގޮތަށް ހަމަޖެހިއްޖެ އެވެ.
ޗައިނާގެ ސަރުކާރާ ގުޅުން ބޮޑު ނޫސް، ގްލޯބަލް ޓައިމްސްއިން ހާމަކޮށްފައިވާ ގޮތުގައި ރައީސް މުއިއްޒު ޗައިނާއަށް ވަޑައިގަންނަވަނީ އެ ގައުމުން ދެވަނަ ބޮޑު ހަނގުރާމައިގެ ދުވަސްވަރު ޖަޕާނުގެ މައްޗަށް ނަސްރު ހޯދި ހޯދުމަށް 80 އަހަރު ފާހަގަކުރުމަށް އަންނަ މަހު ބާއްވާ ރަސްމިއްޔާތުގައި ބައިވެރިވެވަޑައިގަތުމަށް ޗައިނާއިން ދިން ދައުވަތަކަށް ކަމަށެވެ.
އަންނަ މަހު ތިނެއްގައި ފަށާ އެ ރަސްމިއްޔާތުގައި ދުނިޔޭގެ 26 ގައުމެއްގެ ލީޑަރުން ބައިވެރިވާނެ ކަމަށް ވެސް އެ ނޫހުން ބުންޏެވެ.
އޭގެ ތެރޭފައި ރަޝިއާގެ ރައީސް ވުލަޑިމިއާ ޕޫޓިން، ދެކުނު ކޮރެއާގެ ލީޑަރު ކިމް ޖޮން އުންގުވެސް ހިމެނިވަޑައިގަންނަވަ އެވެ.
މިއީ ރައީސް މުއިއްޒު ވެރިކަމާ ހަވާލުވެވަޑައިގަތް ފަހުން ޗައިނާއަށް ކުރައްވާ ރަސްމީ ދެވަނަ ދަތުރުފުޅަށް ވެގެންދާނެ އެވެ.
އެމަނިކުފާނު ވެރިކަމާ ހަވާލުވެވަޑައިގަތުމަށް ފަހު ވެސް އެންމެ ފުރަތަމަ ރަސްމީ ދަތުރުފުޅެއް ކުރެއްވީ ވެސް ޗައިނާ އަށެވެ.
ޗައިނާއަކީ ރާއްޖޭގެ ތަރައްގީގެ މުހިންމު ބައިވެރި އެކެވެ. އެގޮތުން ސިނަމާލެ ބުރިޖު ވެސް ހެދީ ޗައިނާގެ އެހީގަ އެވެ.
Ads by STO
