އޮކްޓޯބަރު މަހު ފުލުހުންނަށް 808 މައްސަލައެއް

ފާއިތުވި އޮކްޓޯބަރު މަހު ފުލުހުންނަށް 808 މައްސަލައެއް ރިޕޯޓްކޮށްފައިވާކަމަށް މޯލްޑިވްސް ޕޮލިސް ސަރވިސްއިން ބުނެފިއެވެ.

Ads by STELCO

ފުލުހުންގެ ރިޕޯޓްތަކުން ދައްކާ ގޮތުން ފާއިތުވި އޮކްޓޯބަރު މަހު ހުށަހެޅުނު މައްސަލަތަކުގެ ތެރެއިން އެންމެ ގިނައީ ވައްކަމުގެ މައްސަލަތައްކަމަށާއި ދެން އެންމެ ގިނައީ ޓްރެފިކް އެކްސިޑެންޓްގެ މައްސަލަތައްކަމަށް ފުލުހުން މަޢުލޫމާތުދެއެވެ.

އެހެން ނަމަވެސް އޮކްޓޯބަރު މަހު ހުށަހެޅުނު މައްސަލަތައް ސެޕްޓެމްބަރު ހުށަޙެޅުނު މައްސަލަތަކަށްވުރެން މަދުކަމަށް ފުލުހުން ބުނެއެވެ. މިގޮތުން މި އަހަރުގެ ސެޕްޓެމްބަރު މަހު ފުލުހުންނަށް ޖުމްލަ 1096 މައްސަލައެއް ރިޕޯޓްކޮށްފައިވާކަމަށް ފުލުހުން ބުނެއެވެ.

އޮކްޓޯބަރު މަހު ފުލުހުންނަށް ރިޕޯޓްކޮށްފައިވާ މައްސަލަތައް:

ވައްކަމުގެ 274 މައްސަލައެއް
ޓްރެފިކް އެކްސިޑެންޓްގެ 209 މައްސަލައެއް
މަސްތުވާތަކެއްޗާ ގުޅުންހުރި 123 މައްސަލައެއް
އެއްޗެހި ގެއްލިގެން 72 މައްސަލައެއް
މުދަލަށް ގެއްލުން ދިނުމުގެ 38 މައްސަލައެއް
އަނިޔާގެ 33 މައްސަލައެއް
ޖިންސީ ގޯނާގެ 20 މައްސަލައެއް
ފޭރުމުގެ 10 މައްސަލައެއް
ޚިޔާނާތުގެ 7 މައްސަލައެއް
ފޯޖް ކުރުމުގެ 5 މައްސަލައެއް
ޗެކް ބައުންސްގެ 2 މައްސަލައެއް

ކުށްތައް މަދު މުޖުތަމައުއެއް ޤާއިމުކުރުމަށް ފުލުހުންނާއި އަތޮޅުތަކުގެ ޕޮލިސް ސްޓޭޝަންތަކާއި އަދި ކައުންސިލްތައް ގުޅިގެން ތަފާތު މަސައްކަތްތަކެއް ކުރެވެމުންދާކަމަށާއި އެންމެހާ ފަރުދުންގެ ސަލާމަތާއި ރައްކާތެރިކަން ކަށަވަރު ކުރުމަށް ޤަވައިދުތަކަށް ރައްކާތެރިވުމަށް ފުލުހުން އިލްތިމާސްކުރެއެވެ.