ދަރަވަންދޫ އެއަރޕޯޓުގެ ޓާރމިނަލް ޑިޒައިންކުރާނެ ބަޔަކު ހޯދަނީ
ބ. އަތޮޅު ދަރަވަންދޫ އެއަރޕޯޓުގެ ޓާރމިނަލް ޑިޒައިންކުރާނެ ބަޔަކު ހޯދުމަށް އައިލޭންޑް އެވިއޭޝަނުން އިޢުލާންކޮށްފިއެވެ.
ދަރަވަންދޫ އެއަރޕޯޓުގެ ޖާގަ ބޮޑުކޮށް ޚިދުމަތްތައް އިތުރުކުމުގެ މަސައްކަތްތައް ކުރިއަށް ގެންދިއުމަށް ހަމަޖެހިފައިވާކަމަށް އައިލޭންޑް އެވިއޭޝަނުން ބުނެއެވެ. މިގޮތުން ޓާރމިނަލް ބޮޑުކޮށް ޑިޕާޗަރ ގޭޓް އިތުރު ކުރެވޭނެކަމަށާއި އެރައިވަލް ހޯލް ބޮޑު ކުރުމާއި އެރައިވަލް ބެލްޓް އިތުރުކުރެވޭނެކަމަށް އެ ކުންފުނިން މަޢުލޫމާތުދެއެވެ.
މީގެ އިތުރުން ޑިޕާޗަރ ހޯލުގައި ކެފޭ އެއްގެ ޖާގަ އިތުރު ވެގެންދާނެކަމަށާއި މިހާރު ހުރި ޓާރމިނަލަށް ބޮޑު ބަދަލެއް ގެންނަން ނިންމާފައިވާނެކަމަށް އައިލެންޑް އެވިއޭޝަނުން ބުނެއެވެ.
އައިލޭންޑް އެވިއޭޝަނުންކޮށްފައިވާ އިޢުލާނުގައި ވަނީ ދަރަވަންދޫ އެއަރޕޯޓުގެ ޓާރމިނަލްގެ ޑިޒައިން ކުރުމުގެ މަސައްކަތާއި އެކަމަށް ކޮންސަލްޓެންސީ ފޯރުކޮށްދޭނެ ފާރާތެއް ހޯދާކަމަށާއި އެކަމަށް ޝައުޤުވެރިވާ ފަރާތްތަކުން އަންނަ ހަފްތާގެ ހޯމަ ދުވަހުގެ ނިޔަލަށް ފުރުސަތު ހުޅުވާލެވިފައި އޮންނާނެކަމަށެވެ.
